ကချင်ပြည်နယ်၊ မံစီမြို့နယ်ရှိ ခလရ ၂၅၀ ၏ ရှေ့တန်းစခန်းကုန်းကို KIA က တိုက်ခိုက်သိမ်းပိုက်လိုက်ကြောင်း KIA သတင်းရင်းမြစ်က ပြောဆိုသည်။
ဖေဖော်ဝါရီလ ၂ ရက်နေ့ နံနက် ၇ နာရီ ၄၅ မိနစ်အချိန် ၊ မံစီမြို့နယ် ၊ ခလရ ၂၅၀ ၏ ရှေ့တန်းစခန်းကုန်းကို KIA က တိုက်ခိုက်သိမ်းပိုက်ခဲ့ခြင်းဖြစ်ကြောင်း၊ စခန်းမှ စစ်သားများ အကုန် ထွက်ပြေးကြကြောင်း သိရှိရသည်။
“စခန်းကုန်းက စစ်သားတွေ အကုန်ထွက်ပြေးသွားကြတာ။ စခန်းသိမ်းတိုက်ပွဲမှာ သေဆုံးတဲ့ စစ်သားအရေအတွက်နဲ့ လက်နက်ခဲယမ်းရရှိမှု စာရင်းအသေးစိတ်မသိရသေးဘူး။ စိစစ်နေတုန်းပဲ” ဟု KIA သတင်းရင်းမြစ်က ပြောဆိုသည်။
