စစ်ကိုင်းတိုင်း၊ကနီမြို့နယ်က NUG ပညာရေးကျောင်းအတွက် အညာပစ်တိုင်းထောင်လေးများ အဖွဲ့က စာသင်ဆောင် လှူဒါန်းခဲ့တယ်လို့ သတင်းထုတ်ပြန်ထားပါတယ်။
အညာပစ်တိုင်းထောင်လေးများအဖွဲ့ရဲ့ “စာသင်ဆောင်အလှူ ဝိုင်းလို့ကူကမ်ပိန်း”က ရရှိတဲ့ ငွေကြေးနဲ့ စာသင်ဆောင် ၁ ဆောင်လှူဒါန်းခဲ့တာပါ။
ကမ်ပိန်းမှာ စာသင်ဆောင် ၁ ဆောင်စာ လှူဒါန်းပေးထားတဲ့ LIGHTS OF THE FUTURE- GROUP(အနာဂါတ်အလင်းတန်းများအဖွဲ့)ကိုလည်း ကျေးဇူးတင် ဂုဏ်ပြုကြောင်း ဖော်ပြ ထားသလို ကနီမြို့နယ်အတွင်းက ရာနဲ့ချီတဲ့ကလေးတွေအတွက် စာသင်ဆောင်တွေထပ်မံ လှူဒါန်းဖို့ ရှိတယ်လို့ အညာပစ်တိုင်းထောင်လေးများအဖွဲ့က အသိပေးထားပါတယ်။
