ကမ္ဘာ့ဒုက္ခသည်များနေ့တွင် နယူးဒေလီမြို့တွင် မြန်မာစစ်ဘေးရှောင်များဆန္ဒဖော်ထုတ် မယ်

ဇွန်လ ၂၀ ရက်တွင်ကျရောက်တဲ့ ကမ္ဘာ့ဒုက္ခသည်များနေ့တွင် အိန္ဒိယနိုင်ငံ၊ နယူးဒေလီမြို့၊ UNHCR ရုံးရှေ့တွင် မြန်မာစစ်ဘေးရှောင်များ ငြိမ်းချမ်းစွာဆန္ဒဖော်ထုတ်မယ်လို့ သိရတယ်။

ဒီအစီအစဉ်ကို Myanmar Refugee Demand Committee နဲ့ India For Myanmar တို့ ပူးပေါင်းဦးဆောင်ကြမှာဖြစ်ပါတယ်။ ဇွန် ၂၀ ရက် နေ့လည်ပိုင်းတွင် UNHCR@ B2/16 Vasant Vihar ရှေ့မှာ ဆန္ဒပြကြမှာဖြစ်တယ်။

ဒီပွဲမှာ နယူဒဒေလီမြို့မှာရှိတဲ့ မြန်မာနိုင်ငံသားအားလုံးလည်း လာရောက်ပူးပေါင်းပါဝင်ဖို့လည်း ဖိတ်ခေါ်ထားပါတယ်။

ယခုနှစ် ဇန်နဝါရီလ ၃၀ ရက်ကလည်း နယူးဒေလီရောက် မြန်မာစစ်ဘေးရှောင်ပြည်သူများက စစ်ဘေးရှောင်များ အိန္ဒိယကနေတဆင့်ပြည်ပထွက်ခွင့်ပေးရန်၊ စစ်ဘေးရှောင်များကို စောင့်ရှောက်ရန်၊ မြန်မာဒီမိုကရေစီရေးလှုပ်ရှားမှုပေါ် အိန္ဒိယအစိုးရက အားပေးထောက်ခံရန်တို့ တောင်းဆိုဆန္ဒပြပါတယ်။