အမေရိကန်ပြည်ထောင်စု၊ ကယ်လီဖိုးနီးယားပြည်နယ်၊ ဆန်ဖရန်စစ္စကိုမြို့တွင် Free Burma Action Committee-Northern California ၏ “လူထုဘဝတိုးတက်ရေး လူ့အခွင့်အရေးမြှင့်တင်ပေး” ခေါင်းစဉ်ဖြင့် ၁၂၇ ကြိမ်မြောက် အလံမလိပ် အသံမတိတ် မြေပြင်သပိတ်ကို ပြုလုပ်ခဲ့ကြသည်။
ထို့အတူ မြန်မာ့လူ့အခွင့်အရေးနေ့(ဖုန်းမော်နေ့)တွင် မတရားစစ်မှုမထမ်းမနေရ ဥပဒေဖျက်သိမ်းရေး ကမ္ဘာလုံးဆိုင်ရာလူထုလှုပ်ရှားမှုနှင့် မြန်မာနိုင်ငံလူ့အခွင့်အရေးနေ့အထိမ်းအမှတ် Online Zoom သပိတ်ပွဲကို the Alliance for Democracy in Myanmar နှင့် Myanmar Student Union (ABFSU) မှဦးဆောင်ပြီး ကျင်းပရာ ပြည်တွင်း ပြည်ပရှိ မျိုးဆက်အသီးသီးမှ ခေါင်းဆောင်များ၊ တော်လှန်ရေးအဖွဲ့အစည်းအင်အားစုများ၊ စာပေနှင့်ကဗျာပညာရှင်များ တက်ရောက်၍ ကမ္ဘာတဝှမ်းမှ အယောက်၂၀၀၀နီးပါး ကြည့်ရှုတက်ရောက်ခဲ့ကြောင်း သိရှိရသည်။
