ကရင်နီပြည်နယ်တွင် စစ်ကောင်စီတပ်များအနေဖြင့် “ချေမှုန်းခံမလား၊ လက် နက်ချမလား။ ကြိုက်တဲ့လမ်းရွေး။ ချေမှုန်းခံမယ်ဆိုရင် ရယ်ဒီလုပ်ထားပါ” ဟု ကရင်နီအမျိုးသားများကာကွယ်ရေးတပ် – KNDF ဒုစစ်ဦးစီးချုပ် မာဝီ သတိပေး ပြောဆိုလိုက်သည်။
ယနေ့ ဒီဇင်ဘာလ ၂၂ ရက်နေ့ ၎င်း၏ လူမှုကွန်ရက်စာမျက်နှာတစ်ဆင့် သတိ ပေးချက် ဗီဒီယိုထုတ်ပြန်၍ အထက်ပါအတိုင်း KNDF ဒုစစ်ဦးစီးချုပ် မာဝီက စစ်ကောင်စီတပ်များကို သတိပေးလိုက်ခြင်းဖြစ်သည်။
“လူထုနဲ့ပူးပေါင်းပြီးတော့ လက်နက်ချမလား၊ ချေမှုန်းခံမလား၊ လမ်း ၂ လမ်းရှိတယ်။ ကြိုက်တဲ့လမ်းရွေး။ နောက်တစ်လှိုင်းထပ်လာမယ်။ ချေမှုန်းခံမယ်ဆိုရင် ရယ်ဒီလုပ်ထားပါ ” ဟု မာဝီက သတိပေးသည်။
KNDF ဒုစစ်ဦးစီးချုပ် မာဝီ၏ ဗီဒီယိုတွင် မာဝီ အပါအဝင် KNDF ရဲဘော်များက စက်သေနတ်များ၊ ငါးကြင်းမြီး ဟုခေါ်ဆိုသည့် MG 3 သေနတ်များကို ကျည်အပြည့်အစုံဖြင့် ကိုင်ဆောင်ထားကြသည်ကို မြင်တွေ့ရသည်။
