ကလေးမြို့တွင်စစ်တပ်ပစ်​သောကျည်ထိမှန်၍ အသက် ၇ နှစ်အရွယ် ကလေးငယ် ​သေဆုံး

စစ်ကိုင်းတိုင်း၊ကလေးမြို့တွင် ဇန်နဝါရီ ၁၈ ရက်ညက စစ်ကောင်စီတပ်သားများက ပစ်ခတ်၍ ၇နှစ်အရွယ် ကလေးတစ်ဦး သေဆုံးခဲ့ကြောင်း ဒေသခံများက​ပြောသည်။

ကလေးမြို့၊တာဟန်းရပ်ကွက်အနီးတွင် ဖခင်နှင့်အတူ ဆိုင်တွဲစီးအိမ်ပြန်လာသည့် ချင်းတိုင်းရင်းသူ မလွန်ရှန်ကျိမ်းမှာ ဇန်နဝါရီ ၁၈ ရက်ည ၇နာရီခန့်က စစ်ကောင်စီတပ်က အကြောင်းမဲ့ပစ်ခတ်သဖြင့် ထိမှန်သေဆုံးခဲ့ရခြင်းဖြစ်သည်ဟု ကလေးမြို့ခံတစ်ဦးကပြောသည်။

“ညဘက်မှောင်စပျိုးတဲ့အချိန်မှာသားအဖနှစ်ယောက်အိမ်ပြန်လာကို စစ်သားတွေက လှမ်းပစ်လိုက်တာ ကလေးက ရင်ဘတ်ကို ထုတ်ခြင်းပေါက်ပြီး မှန်သွားတယ်။ ဆေးရုံသွားတော့ အသက်မမှီတော့ဘူး”ဟု ကလေးမြို့ခံတစ်ဦးက ပြောသည်။

မလွန်ရှန်ကျိမ်းကို ပစ်သတ်ခဲ့သည့် စစ်ကောင်စီတပ်မှာ ကလေးမြို့၊ ဘူတာရုံရပ်ကွက်ရှိ စစ်ကောင်စီဂိတ်စခန်းဖြစ်သည်ဟုလည်း အခြားဒေသခံတစ်ဦးကပြောသည်။

ကလေးမြို့တွင် စစ်ကောင်စီတပ်က ရမ်းသမ်းပစ်ခတ်မှုကြောင့် ​ဒေသခံပြည်သူများ သေဆုံးမှုများပြားလာ​ကြောင်း​ဒေသခံများက​ပြောသည်။ စစ်ကောင်စီတပ်သည် PDFများ၏တိုက်ခိုက်မှု​ကြောင့် အထိနာသဖြင့်

အရပ်သားပြည်သူများအပေါ်အညှိုးတကြီး တုန့်ပြန့်တတ်ကြောင်း ကလေးမြို့ခံ PDF များက​ပြောသည်။