စစ်ကိုင်းတိုင်းထဲက ကလေးမြို့ ကလေးအကျဥ်းထောင်အတွင်းမှာ အကျဥ်းကျခံ နေရသော Chin National Defense Force – CNDF တပ်ဖွဲ့ဝင်တစ်ဦးဖြစ်သူ ရဲဘော် ဆလိုင်းဗန်ဗျက်ဟင်မ်း (Salai Van Biak Him) ဟာ
ကလေးမြို့ ပြည်သူ့ဆေးရုံမှာ ဆေးကုသမှု ခံယူနေရင်း ဩဂုတ် ၆ရက် မနက်က ကွယ်လွန်သွားတယ်လို့ ဒေသခံ တွေဆီက သိရပါတယ်။
ဆလိုင်းဗန်ဗျက်ဟင်မ်း ခေါ် နီကောလဒ်ဟာ လွန်ခဲ့တဲ့ ၂၀၂၂ ခုနှစ် မတ်လ ၁၅ ရက်နေ့က ကလေးအကျဉ်းထောင်တွင်း ပစ်ခတ်မှုအတွင်းမှာ ကျဆုံးခဲ့တဲ့ CNDF တပ်ဖွဲ့ဝင် ဗန်ဒိမ်း နဲ့အတူ ၂၀၂၁ ခုနှစ် မေလ ၃၀ရက်မှာ ကလေးမြို့အတွင်း စစ်ကောင်စီရဲ့ ဖမ်းဆီးမှုကို ခံခဲ့ရတာဖြစ်ပါတယ်။ သူဟာ ရာဇသတ်ကြီးဥပဒေပုဒ်မ ၅၀၅-က အပါအဝင် အကြမ်းဖက်ပုဒ်မတွေနဲ့ မတရားထောင်ချ ခံထားရတာဖြစ်ပါတယ်။
