ကိုးကန့်ဒေသအတွင်းမာ စစ်ကောင်စီထုတ်ပြန်ထားခရေ စစ်အုပ်ချုပ်ရီးအမိန့်ကို ဖျက်သိမ်းကြောင်း မြန်မာအမျိုး သား ဒီမိုကရက်တစ် တပ်မတော် (MNDAA) က ဂျန်နဝါရီ ၁၄ ရက်နိမာ ကြေညာလိုက်ပါရေ။
MNDAA က ကိုးကန့်ဒေသကို သိမ်းပိုက်ရယူခပြီးနောက် အယင်က စစ်ကောင်စီထုတ်ပြန်ထားခရေ အမိန့် ၊ဥပဒေ ၊ထုတ်ပြန်ချက်တိ အားလုံးကို ဖျက်သိမ်းလိုက်စွာ ဖြစ်ပါရေ။
ထုတ်ပြန်ချက်မာ “အာဏာသိမ်းစစ်ကောင်စီနန့် ၎င်း၏ လက်အောက်ခံ ရုပ်သီးရုပ် ကိုးကန့် အုပ်ချုပ်ရီးအဖွဲ့က ထုတ်ပြန်ထားရေ အမိန့်၊ ကြေညာချက်နန့် စစ်အုပ်ချုပ်ရီးအမိန့်တိအားလုံးကို ပယ်ဖျက်ကြောင်း၊လိုအပ်ပါကသက် ဆိုင်ရာဒေသန္တရအာဏာပိုင်အဖွဲ့အစည်းတိနန့်ဆက်သွယ် ဆောင်ရွက်နိုင်ပါကြောင်း” ဖော်ပြထားပါရေ။
ညီနောင်မဟာမိတ်(၃)ဖွဲ့၏ ၁၀၂၇ စစ်ဆင်ရီးဖော်ဆောင်နီရေကာလအတွင်း သျှမ်းမြောက်ဒေသဟိ ကွက်ခိုင်၊ ကွမ်း လုံ ၊ နမ့်ခမ်း ၊ မူဆယ် ၊ လားသျှိုး ၊ သိန္နီ ၊လောက်ကိုင် ၊ ကုန်းကြမ်း မြို့ရို့ကို စစ်ကောင်စီက စစ်အုပ်ချုပ်ရီး ကြေ ညာထားခစွာ ဖြစ်ပါရေ။
