စစ်ကိုင်းတိုင်း၊ ကောလင်းမြို့နယ်ရှိ စစ်ဘေးရှောင်ပြည်သူများကို ယနေ့ ဇွန်လ ၃၀ ရက်နေ့တွင် ပြည်သူမှ ပြည်သူသို့အဖွဲ့က အိမ်ထောင်တစ်စုလျှင် ၁ လီတာ နှုန်းဖြင့် နေကြာဆီများ လှူဒါန်းခဲ့ကြောင်း သိရသည်။
ကောလင်းမြို့နယ်ရှိ စစ်ဘေးရှောင် ပြည်သူများ အချိန်ကြာမြင့်စွာ စစ်ဘေးတိမ်းရှောင်နေရသောကြောင့် လက်ရှိချိန်တွင် စားနပ်ရိက္ခာများ အရေးပေါ်လိုအပ်နေပြီး ပြည်သူများ ပူးပေါင်း ပါဝင်လှူဒါန်းပေးကြရန် မေတ္တာရပ်ခံကြောင်း ပြည်သူမှပြည်သူသို့ အဖွဲ့မှ တာဝန်ရှိသူ တစ်ဦးက ပြောဆိုသည်။
