ကျောက်တော်မြို့နယ်၊ သရက်တပင်ရွာကို ဂျန်ဝါရီ ၁၇ ရက်နိ၊ မိုးထမာ အကြမ်းဖက် စစ်ကောင်စီတပ်က လက် နက်ကြီးနန့် ယမ်းကား ပစ်ခတ်လို့ ဒေသခံအမျိုးသားတယောက် သီဆုံးလားခပါရေ။
သီဆုံးလားရေလူကတော့ သရက်တပင်ရွာ၊ ရွာဟောင်းပိုင်းက ဦးစောလှထွန်း(ခ) ဦးဂေါင်းချွန်း (၅၂နှစ်) ဖြစ်ပါရေ။
ဂျန်နဝါရီ ၁၇ ရက်နိ၊ မိုးထ ၆ နာရီ မိနစ် ၃၀ က ကျောက်တော် အခြီစိုက် အကြမ်းဖက် စစ်ကောင်စီတပ် စကခ(၉) တပ်မ လက်အောက်ခံ ခမရ (၃၇၆)တပ်ရင်းက ပစ်လိုက်တေ (၁၂၀) မမ လက်နက်ကြီး ကျည်တလုံးစွာ ကျောက်တော်မြို့နယ်၊ သရက်တပင်ရွာဟောင်းပိုင်းမာ ကျရောက် ပေါက်ကွဲခပါရေ။
ယင်းလက်နက်ကြီးကျည် ပေါက်ကွဲမှုကြောင့် ဦးစောလှထွန်း၏ဝမ်းကို လက်နက်ကြီး ကျည်စဖောက်ဝင်လားပြီးကေ သီဆုံးလားခစွာ ဖြစ်ပါရေ။
