ချင်းပြည်နယ်၊ ဟားခါးမြို့ပေါ်မှာ စစ်ကောင်စီအတွက် အရပ်ဝတ်နဲ့ထောက်လှမ်းရေး လုပ်နေသူ ၂ ဦးကို ဖမ်းဆီးရရှိခဲ့တယ်လို့ CDF-Hakha က မတ်လ ၁၆ ရက်နေ့မှာထုတ်ပြန်ပါတယ်။
စစ်ကောင်စီအတွက်ထောက်လှမ်းရေးလုပ်နေသူ ၁ ဦးကို မတ်လ ၉ ရက်နေ့မှာဖမ်းဆီးခဲ့တာဖြစ်ပြီး နောက် ၁ ဦးကိုမတ်လ ၁၃ ရက်နေ့မှာဖမ်းဆီးခဲ့တာဖြစ်တယ်လို့သိရပါတယ်။
မတ်လ ၆ ရက်နေ့တုန်းကလည်း ဟားခါးမြို့ပေါ် နတလ ကျောင်းမှာ လုံခြုံရေးယူပေးနေတဲ့ ရဲအရာရှိ ပါအဝင် စစ်ကောင်စီလက်အောက်ခံ ရဲ ၅ ဦးကို CDF- Hakha ကဖမ်းဆီးခဲ့ပါတယ်။
ဟားခါးမြို့ပေါ်မှာ စစ်ကောင်စီရဲ့ထောက်လှမ်းရေးမားတွေဟာ အရပ်ဝတ်နဲ့သွားလာလှုပ်ရှားနေတာကြောင့် ပြည်သူတွေသတိထားကြဖို့ မသင်္ကာတဲ့သူတွေတွေ့ပါက အကြေားကြားကြဖို့ CDF-Hakha က နှိုးဆော်ထားပါတယ်။
