ဂျပန်နိုင်ငံ၊ နာဂိုရာမြို့တွင် “အောင်ပွဲဆင်မယ့် တော်လှန်ရေး၊ သမိုင်းသစ်ရေးမယ့် ၂၀၂၄” ခေါင်းစဉ်ဖြင့် စစ်အာဏာသိမ်းခြင်း (၃)နှစ်ပြည့် လမ်းလျှောက်ချီတက် ဆန္ဒပြပွဲကို မြန်မာပြည်ဖွားတိုင်းရင်းသားများက ယနေ့ ဦးဆောင်ကျင်းပပြုလုပ်ခဲ့ကြောင်း သိရှိရသည်။
နာဂိုရာမြို့၊ Yabacho ပန်းခြံထဲသို့ ဖေဖော်ဝါရီလ ၄ရက် နံနက် ၁၁နာရီတွင် မြန်မာပြည်ဖွား တိုင်းရင်းသား ၃၀၀ဦးခန့် စုရုံးရောက်ရှိကြပြီး ကြွေးကြော်သံများ သံပြိုင်သီဆိုကြကြောင်း၊ နေ့လယ် ၁နာရီအချိန်တွင် နာဂိုရာမြို့တွင်းသို့ စီတန်းလှည့်လည်၍ ဆန္ဒ ထုတ်ဖော်ခဲ့ကြကြောင်း သိရှိရသည်။
