မြစ်ကြီးနား – ဗန်းမော်လမ်း နမ်ဆန်ယန်ကျေးရွာအနီး မဒီးယန်နှင့် အောင်ဂျာကျေးရွာကြားတွင် ယနေ့ည ၁၁ နာရီဝန်းကျင်အချိန်၌ စစ်ကောင်စီတပ်က လေကြောင်းဖြင့် ဗုံးကြဲတိုက်ခိုက်ခဲ့ကြောင်း သိရသည်။
လေယာဉ်ဗုံး ၃ လုံးကြဲချသွားသည်ဟု သိရသော်လည်း အသေးစိတ်အခြေအနေ မသိရသေးပေ။ ယခုလအတွင်း နမ်ဆန်ယန်အနီး ဖြစ်ပွားသည့်တိုက်ပွဲများတွင် စစ်ကောင်စီတပ်က ညအချိန်၌သာ ဗုံးကြဲချခဲ့သည်မှာ ၃ ကြိမ်ထက်မနည်း ရှိနေပြီ ဖြစ်သည်။
မြစ်ကြီးနား – ဗန်းမော်လမ်းတွင် စစ်ကောင်စီတပ်နှင့် KIA ပူးပေါင်းတပ်တို့ကြား တိုက်ပွဲနေ့စဉ်ရက်ဆက် ဖြစ်ပွားနေသည်မှာ တစ်လနီးပါးရှိလာပြီ ဖြစ်သည်။
