မင်းပြားမြို့ထက်မာ ဒေနိ (ဒီဇမ်ဘာ ၁၅ ရက်နိ )မိုးထက စစ်ကောင်စီတပ်ထောင်ထားရေ မိုင်းကို နင်းမိလို့ ပေါက် ကွဲမှုဖြစ်ပြီးကေ မြို့ခံအမျိုးသားတယောက် ခြီနှစ်ဖက်ပြတ်လားကြောင်းသိရပါရေ။
ခြီပြတ်လားလူစွာ မင်းပြားမြို့၊ စျီးဟောင်းပိုင်းရပ်ကွက်၊ ခဝါသည်တန်းက ဦးကျော်မောင်( ၃၈ နှစ်) ဖြစ်ပါရေ။
ဦးကျော်မောင်စွာဒေနိမိုးထ ၁၁နာရီ ၅၁မိနစ်က ယောက္ခမ ဖြစ်သူအိမ်မှ ကိုယ့်အိမ်သို့အလား မင်းပြားမြို့မ ရဲစခန်း အနောက်ဖက်ဟိ သောက်ရီကန်ဘောင်နားအရောက်မာ စစ်ကောင်စီတပ်က ထောင်ထားခရေ မိုင်းကိုနင်းမိခစွာလို့ မျက်မြင်မြို့ခံတိက ပြောပါရေ။
ယင်းမိုင်းပေါက်ကွဲမှုကြောင့် ဦးကျော်မောင်၏ ညာဖက်ခြီထောက်စွာ မိုင်းနင်းမိရေနီရာမာပင် ဒူးဆစ်အောက်ကနီ လုံးဝပြတ်ထွက်လားခပြီးကေ ဘယ်ခြီထောက်မာလည်း ဒဏ်ရာပြင်းပြင်းထန်ထန်ရလားရေလို့ ဆိုပါရေ။
ယင်းနောက် ဦးကျော်မောင်ကို မင်းပြားဆီးရုံသို့ ပို့ဆောင်ခကတ်ပြီးကေ ဆီးရုံအရောက်မာတော့ ဘယ်ဖက်ခြီထောက်ကိုပါ ဖြတ်လိုက်ရပနာ အရေးပေါ်ဆီးကုသမှုခံယူနီရရေလို့ သိရပါရေ။
