စစ်ကောင်စီ၏ တိုက်ခိုက်မှုများကြောင့် ဘူးသီးတောင်မှ ရိုဟင်ဂျာ ၇၀၀၀ ခန့်က AA ထိန်းချုပ်နယ်မြေထဲသို့ ဝင်ရောက် ခိုလှုံလာကြောင်း မေလ ၁၃ ရက်နေ့တွင် AA ၏လူသားချင်းစာနာထောက်ထားရေးနှင့် ဖွံဖြိုးရေးဆိုင်ရာပူးပေါင်း ဆောင်ရွက်ရေးရုံး (HDCO) က သတင်းထုတ်ပြန်သည်။
မေလ ၈ ရက်နေ့တွင် အကြမ်းဖက်စစ်ကောင်စီက လက်နက်ကြီးများ၊ ဂျက်ဖိုက်တာဖြင့် ပစ်ခတ်မှုကြောင့် ရက္ခိုင်ပြည်၊ ဘူးသီးတောင်မြို့နယ်၊ ကကျဘတ်၊ ကကျဘတ်ကံပြင်၊ မြောင်းနား၊ အလယ်ချောင်း၊ ဘဂုံးနား၊ လက်သာကျေးရွာတို့မှ ရိုဟင်ဂျာပြည်သူ ၇၀၀၀ ခန့်က AA အာရက္ခတပ်တော်၏ ထိန်းချုပ်နယ်မြေထဲသို့ ဝင်ရောက်ခိုလှုံလာကြောင်း၊ AA က မိမိတို့နယ်မြေထဲသို့ ခိုလှုံလာသူများကို ကူညီရွှေ့ပြောင်းပေးခြင်း၊ အကာအကွယ်ပေးခြင်းများ လုပ်ဆောင်ခဲ့ကြောင်း သိရှိရသည်။
အဆိုပါ ကျေးရွာများမှ မွတ်စလင်တချို့သည် အကြမ်းဖက်စစ်ကောင်စီ ၏ ထိန်းချုပ်ထားသော ဘူးသီးတောင်မြို့နယ် စစ်ကောင်စီ နခခ ၈ တပ်ရင်းသို ဝင်ရောက်သွားခဲ့မှုများလည်းရှိကြောင်း AA ၏ HDCO ရုံးက သတင်းထုတ်ပြန်ထားသည်။
