စစ်တပ်အာဏာသိမ်းပြီး​နောက်​ပိုင်းတော်လှန်​ရေးအဖွဲ့​တွေပစ်ချနိုင်ခဲ့တဲ့ စစ်တပ်တိုက်​လေယာဥ်နဲ့ ရဟတ်ယာဥ်​တွေ

စစ်တပ်အာဏာသိမ်းပြီး​နောက်ပိုင်း နိုင်ငံတစ်ဝန်းရှိ ​တော်လှန်​ရေးတပ်ဖွဲ့​တွေက စစ်​ကောင်စီတပ်ကို ခုခံ​တော်လှန်တိုက်ခိုက်​​နေရာမှ ဒီ​နေ့အထိ ​တော်လှန်​ရေးတပ်ဖွဲ့​တွေက စစ်​ကောင်စီတပ်ရဲ့ တိုက်​လေယာဥ်နဲ့ ရဟတ်ယာဥ်​တွေပစ်ချခဲ့တာ အ​ထောက်အထားအခိုင်အမာပြသနိုင်ခဲ့တာ ၅ စီး၊ပစ်ချနိုင်​ကြောင်းအတည်ပြုထုတ်ပြန်​ပေမယ့် အ​ထောက်အထား မပြနိုင်​သေးတဲ့ ၂ စီးအပါအဝင် ၇ စီးရှိပြီဖြစ်ပါတယ် ။ ၅ စီးကို​တော့ ​တော်လှန်​ရေးအဖွဲ့​တွေပစ်ချနိုင်ခဲ့တာကိုဓါတ်ပုံ၊ဗီဒီယို မှတ်တမ်းအပါအဝင်အ​ထောက်အထား​တွေပြနိုင်ခဲ့ပါတယ် ။​တော်လှန်​ရေးတပ်ဖွဲ့​တွေက ပစ်ချနိုင်ခဲ့​ကြောင်း တရားဝင်အတည်ပြု​ထုတ်ပြန်​ပေးခဲ့​ပေမယ့် ​​လေယာဥ်နဲ့ ရဟတ်ယာဥ်ဟာစစ်​ကောင်စီတပ် စိုးမိုးနယ်​မြေမှာပျက်ကျပြီးအ​ထောက်အထားမပြနိုင်​သေးတာ ​၂ စီးရှိပါတယ် ။ဒီ ၂ စီးဟာ ၂၀၂၃ ​ဖေ​ဖော်ဝါရီ ၃ ရက် ရွှေပြည်​အေးမြို့တိုက်ပွဲမှာPDF နဲ့ ပကဖ တပ်​ပေါင်းစုကပစ်ခတ်ခဲ့တဲ့အတွက် ရဟတ်ယာဥ် ၁ စီး(အမျိုးအမည်အတိအကျမသိ) ပျက်ကျခဲ့တယ်လို့ NUG ကာကွယ်​ရေးဝန်ကြီးဌာနကအတည်ပြုခဲ့တဲ့ တစ်စီး နဲ့ ၂၀၂၃ ဇွန် ၃၀ မှာ ရွာသစ်မြို့အနီးမှာ ကလလတ (KNPLF)နဲ့ကရင်နီတပ်​ပေါင်းစုက ပစ်ချခဲ့တယ်လို့ ကလလတ က အတည်ပြုထားတဲ့ K-8W အ​ပေါ့စားတိုက်​လေယာဥ် တို့ဖြစ်ပါတယ် ။ လူထု​နွေဦးသတင်းဌာန က ၇ စီးလုံးပါတဲ့ အင်ဖိုဂရပ်ကို ထပ်မံ​ဖော်ပြ​ပေးလိုက်ပါတယ် ။