စစ်တွေမြို့နယ်၊ ဝါဘိုရွာကို ဂျန်နဝါရီ ၁၆ ရက်နိ ညဇာ ၆ နာရီ ၁၅ မိနစ်လောက်က စစ်တွေမြို့နယ်၊ ကံ့ကော်ကျွန်း မာ အခြီချထားရေ အကြမ်းဖက်စစ်ကောင်စီတပ်က ရည် ရွယ်ချက်ဟိဟိ လက်နက်ကြီးနန့် ယမ်းကား ပစ်ခတ်လို့ အမျိုးသားနှစ်ယောက်ထိခိုက် ဒဏ်ရာ ရလားရေလို့ သိရပါရေ။
ဒဏ်ရာရလားခရေလူတိကတော့ စစ်တွေမြို့နယ်၊ ဝါဘိုရွာက ကျောင်းဆရာ ကိုစိုးဝင်းမောင်(၂၇ နှစ်)နန့်ဦးကျော် မိုးထွန်း (၃၉နှစ်)ရို့ဖြစ်ကတ်ပါရေ။
ဂျန်နဝါရီ ၁၆ ရက်နိ၊ညဇာ ၆နာရီ ၁၅ မိနစ်လောက်မာ အ ကြမ်းဖက် စစ်ကောင်စီတပ်က ပစ်လိုက်တေ လက်နက် ကြီးကျည်စွာ စစ်တွေမြို့နယ်၊ ဝါဘိုရွာက ဦးမောင်ခင်သန်း၏ နီအိမ်ခြံတွင်းထဲသို့ ကျရောက်ပေါက်ကွဲပြီးကေ ဦးမောင်ခင်သန်းအိမ်နန့် အိမ်ပါးချင်း ဦးအေးကျော်အိမ်ရို့ပျက်စီးလားခပါရေ။
ယင်းပေါက်ကွဲမှုကြောင့် ကျောင်းဆရာ ကိုစိုးဝင်းမောင်မာ ညာဖက် ခြီမျက်စိအောက် နန့် ဦးကျော်မိုးထွန်းမာ ခြီထောက် နှစ်ဖက်စလုံး ထိခိုက်ဒဏ်ရာ ရလားခပါရေ။
လက်ဟိမာ ကိုစိုးဝင်မောင်နန့် ဦးကျော်မိုးထွန်းရို့အရေးပေါ်ဆီးကုသမှုခံယူနီရရေလို့ သိဟိရပါရေ။
