ချင်းပြည်နယ်၊ တီးတိန်မြို့အခြေစိုက် တပ်ရင်းမှ စစ်ကောင်စီတပ်ဖွဲ့ဝင် တစ်ဦးခိုလှုံလာကြောင်း ပြည်သူ့ကာကွယ်ရေးတပ်မတော် (PDF)-ဇိုလဲန်း(Zoland)က အသိပေးထုတ်ပြန်သည်။
ခိုလှုံလာသည့် တပ်သားသည် မေလ ၃၁ရက်တွင် PDF-Zoland ထံ သေနတ်တစ်လက်၊ ကျည်အိမ်၊ ကျည်ဆံများနှင့်အတူ ဝင်ရောက်ခိုလှုံလာကြောင်း ဖော်ပြသည်။
အဆိုပါတပ်သားအား ဘေးကင်းလုံခြုံသည့် နေရာသို့ ပို့ဆောင်ခဲ့ပြီး ကျပ်သိန်း ၅၀ ချီးမြှင့်ခဲ့ကြောင်း ထုတ်ပြန်သည်။
မေလ ၁၃ရက်ကလည်း တွန်းဇံမြို့၌ တာဝန်ကျသည့် ဖလမ်းမြို့အခြေစိုက် တပ်ရင်းမှ တပ်သားနှစ်ဦးကိုဖမ်းဆီးပြီး လုံခြုံရာသို့ပိုဆောင်ပေးခဲ့သည်ဟု ဆိုသည်။
ယခုစစ်ကောင်စီတပ်သားများထွက်ပြေးခိုလှုံလာမှုနှင့်ပတ်သက်၍ မေးမြန်းရန် PDF ဇိုလဲန်းထံ ဆက်သွယ်ခဲ့သော်လည်း အဆက်အသွယ်မရပေ။
