တောင်ကိုရီးယားနိုင်ငံ၊ အင်ချွန်းမြို့နယ်၊ ဘူဖျောင်းမြို့ တွင် ဦးကျော်မိုးလွင်းကို ကုလသမဂ္ဂဆိုင်ရာ မြန်မာ သံအမတ်ကြီး အဖြစ် ဆက်လက်ခန့်ထားရေး ထောက်ခံပွဲနှင့် MFDMC ပြည်ပထောက်ပို့ တပ်သားသစ်များ ကြိုဆိုပွဲအခမ်းအနားကို ပြုလုပ်ခဲ့ကြောင်း သိရသည်။
အဆိုပါ အခမ်းအနားကို မြန်မာ့ဖက်ဒရယ် ဒီမိုကရေစီအောင်နိုင်ရေး အဖွဲ့ပေါင်းချုပ် MFDMC က ဦးဆောင် ပြုလုပ်ခြင်း ဖြစ်ပြီး အမျိုးသား ညီညွတ်ရေး အစိုးရ (NUG) ကာကွယ်ရေးဌာန (MOD) မှ ကာကွယ်ရေးဒုအတွင်း၀န် ဦးမောင်မောင်ဆွေက ဂုဏ်ပြု အမှာစကားပြောကြားခဲ့ပြီး ပြည်ပထောက်ပို့တပ်ဖွဲ့ MFDMC မှ ဥက္ကဌဦးဇော်မိုးအောင်နှင့် အဖွဲ့တာ၀န်ခံများမှ အမှာစကားများ ပြောကြားခဲ့ကြောင်း သိရသည်။
အမျိုးသား ညီညွတ်ရေး အစိုးရ NUG ကိုယ်စားလှယ် ဦးရန်နိုင်ထွန်း ၊ ပြည်သူ့ဘက်တော်သား CDM ဗိုလ်ကြီး ကိုလင်းထက်အောင် ၊ အဖြူရောင် မိုးစက်လေးများအဖွဲ့တာ၀န်ခံ မကေသွယ်အောင် ၊ ကိုရီးယားနိုင်ငံရှိ နိုင်ငံရေး လူမှုရေး အဖွဲ့အစည်း အသီးသီး၏ ခေါင်းဆောင်များမှလည်း ဂုဏ်ပြု အမှာစကားများ ပြောကြားခဲ့ပြီး ဖျော်ဖြေရေး (သံချပ် ၊ တေးဂီတ၊ကဗျာရွတ်ဆိုခြင်း) အစီအစဥ်များစွာဖြင့် စည်ကားသိုက်မြိုက်စွာ ကျင်းပခဲ့ကြောင်း သိရှိရသည်။
