တောင်ကိုရီးယားနိုင်ငံ ဒယ်ဂူးမြို့ဒုံဒယ်ဂူးဘူတာရှေ့တွင် စစ်အာဏာရှင် ဆန့်ကျင်ရေး ဆန္ဒပြပွဲ နှင့် ပြည်သူ့အစိုးရ ဖြစ်သည့် NUG အစိုးရကို ထောက်ခံပွဲ ပြုလုပ်ခဲ့ကာ တောင်ကိုရီးယားနိူင်ငံရောက် မြန်မာနိုင်ငံသား တော်လှန်ပြည်သူများ ပူးပေါင်းပါဝင်ခဲ့ကြကြောင်း သိရှိရသည်။
ထို့ပြင် တောင်ကိုရီးယားနိုင်ငံ၊ ဂျောင်ဂွမ်းမြို့တွင်လည်း ရန်ပုံငွေထောက်ပို့နိုင်ရေးဖလားဘောလုံးပြိုင်ပွဲနှင့် စစ်အာဏာသိမ်းမှုအလိုမရှိဆန့်ကျင်ဆန္ဒပြပွဲကျင်းပခဲ့ကြောင်း သိရှိရသည်။
အဆိုပါ အခမ်းအနားတွင် တော်လှန်ရေးတက်ကြွလှုပ်ရှားသူ ဒယ်ဂူးဘုန်းဘုန်းက တော်လှန်ရေးကြာမြင့်လာသည်နှင့်အတူ တော်လှန်ရေးသမားများအနေနှင့် ညီညီညွတ်ညွတ် စုစုစည်းစည်းရှိရန် လိုအပ်ပြီး ထောက်ပို့အရှိန်အဟုံမြင့်ကာ များများငွေကြေးထောက်ပို့လျှင် မြန်မြန်အောင်ပွဲရမည်ဖြစ်ကြောင်း မိန့်ကြားခဲ့သည်။
