တော်လှန်​ရေးတပ်​တွေသိမ်းပိုက်ထိန်းချုပ်ထားတဲ့မြို့​ပေါင်း၆၀ ရှိလာ

ကချင်လွတ်လပ်​ရေးတပ်မ​တော် (KIA) ဦး​ဆောင်တဲ့ ပူး​ပေါင်းတပ်​တွေက ဇွန် ၁၁ ရက်​နေ့မှာ ဝိုင်း​မော်-ကန်ပိုက်တည် လမ်းတ​လျှောက် မှာရှိတဲ့ စစ်တပ်စခန်း​တွေကိုထိုးစစ်ဆင်တိုက်ခိုက်ပြီး ဆဒုံးဗျူဟာကုန်းအပါအဝင် စခန်းအကြီးအ​သေး ၁၈ ခုကိုသိမ်းပိုက်ခဲ့ပါတယ် ။ဆဒုံးဗျူဟာကုန်းအပါအဝင် ဆဒုံးမြို့အဝင်ဂိတ်စခန်း ၊ဆဒုံးမြို့ ရဲစခန်း ၊ဆဒုံးမြို့ထွေအုပ်ရုံး ၊ဆဒုံးစုပေါင်းဂိတ်စခန်း ၊ဆဒုံး​ရေတံခွန်ဂိတ်စခန်းစတဲ့ စခန်း​တွေသိမ်းပိုက်ခဲ့ပြီး ဆဒုံးမြို့ကိုပါ KIA ကအလုံးစုံသိမ်းပိုက် ထိန်းချုပ်လိုက်ပါတယ် ။ဒါ​ကြောင့် ​နွေဦး​တော်လှန်​ရေးမှာ ​တော်လှန်​ရေးအင်အားစု​တွေ သိမ်းပိုက်ထိန်းချုပ်ထားတဲ့ မြို့​ပေါင်း ၆၀ ရှိလာပြီဖြစ်ပါတယ်

ဒါအပြင် ဝိုင်း​မော်-ကန်ပိုက်တည် လမ်းတ​လျှောက်မှာ​ KIA သိမ်းပိုက်ဖို့က ကန်ပိုက်တည်မြို့က စစ်​ကောင်စီတပ်စခန်းအနည်းငယ်ပဲကျန်​တော့တာဖြစ်ပါတယ် ။ဒါ​ကြောင့် မြန်မာ-တရုတ် နယ်စပ်မှာ စစ်​ကောင်စီ ထိန်းချုပ်စီမံနိုင်တာ ​နောက်ဆုံးတစ်ခုတည်းကျန်တဲ့ ကန်ပိုက်တည်နယ်စပ်ကုန်သွယ်​ရေးစခန်းနဲ့ မြို့ဟာ KIA သိမ်းပိုက်ထိန်းချုပ်ဖို့ လက်တကမ်းအကွာကို​ရောက်​နေပြီဖြစ်ပါတယ် ။ ဒါ​တောင် ကန်ပိုက်တည်မြို့ အနီးဝန်းကျင်က စစ်​ကောင်စီစခန်းနဲ့ ရုံးအချို့ကို KIA က ဇွန် ၁၁ ရက်မှာပဲစတင်သိမ်းပိုက်ထားပြီဖြစ်ပါတယ် ။