အကြမ်းဖက်စစ်တပ်က မတရားဖမ်းဆီးထားသော လူထုခေါင်းဆောင် ဒေါ်အောင်ဆန်းစုကြည်၏ အသက် ၇၉ မွေးနေ့အတွက် သပိတ်ကျင်းမြို့နယ်ပကဖမှ တော်လှန်ရေးရဲဘော်များက ဆုတောင်းမေတ္တာပို့ပြီး ပန်းသပိတ်တွင် ပါဝင်ကြကြောင်း သိရှိရသည်။
သပိတ်ကျင်းမြို့နယ်ပကဖမှ ရဲဘော်များက နှင်းဆီပန်းများ၊ ဒေါ်အောင်ဆန်းစုကြည်ရုပ်ပုံပါရှိသော သံမဏိနှင်းဆီ ပိုစတာများကို ကိုင်ဆောင်ကာဒေါ်အောင်ဆန်းစုကြည်၏ အသက် ၇၉ နှစ်ပြည့် မွေးနေ့မှသည် နောင်နှစ်ပေါင်းများစွာတိုင်အောင် သက်ကျော်ရာကျော်ရှည်ပါစေကြောင်း၊ အမြန်ဆုံးလွတ်မြောက်ပါစေကြောင်း ဆုတောင်းကြသည်ဟု သိရှိရသည်။
