ရှမ်းပြည်တောင်ပိုင်း၊ နောင်ချိုမြို့နယ်၊ သုံးဆယ်နဲ့ဆမ္မဆယ်ရွာတွေကို ကျောက်မဲ စစ်ကောင်စီအမြောက်တပ်က မနေ့ မတ်လ ၂၂ ရက် က လက်နက်ကြီးချက်ရေ ၃၀ ကျော် နဲ့ ပစ်ခတ်ခဲ့တယ်လို့ ဒေသခံတွေက ပြောပါတယ်။
ကျောက်မဲမြို့အခြေစိုက် အမတ ၃၅၂ အမြောက်တပ်က နောင်ချိုမြို့နယ် သုံးဆယ်နဲ့ ဆမ္မဆယ်က ဈေးကုန်းရွာတွေကို လက်နက်ကြီးချက်ရေ ၃၀ ကျော်ကို ပစ်ခတ်ရာမှာ အဲဒီနေရာတွေမှာ ဘယ်လက်နက်ကိုင်တပ်ဖွဲ့မှ မရှိဘူးဘို့ ဒေသခံတွေက ပြောပါတယ်။
“အစက TNLA တွေ ရှိခဲ့တယ်၊ နောက်ပိုင်း မရှိတော့လို့ ဒေသခံ ရှမ်း ဂေါ်ရခါးတွေ သွားနေကြတယ်၊ လက်နက်ကြီးခဏ ခဏကျလို့ မနေရဲတော့လို့ လူနေတာမရှိတော့ဘူး၊ ခေါက်ဆွဲစက် မှန်ခဲ့တာနောက်ဆုံးပဲ၊ အမြောက်သံတော့ ရေကြည့်တယ်၊ ပျက်စီးတာတော့ရှိမှာပဲ ၊ အပျက်အစီးတော့ နေတဲ့လူမရှိလို့ သွားမကြည့်တော့ဘူး” လို့ ဒေသခံတစ်ဦးက ပြောပါတယ်။
ကျောက်မဲ အမတ ၃၅၂ ဟာ နောင်ချိုနယ်ထဲက သုံးဆယ်၊ ဆမ္မဆယ်၊ အုမ္မခါး၊ ဟိုခိုနဲ့သံဘိုကျေးရွာတွေကို လက်နက်ကြီးနဲ့ပစ်ခတ်နေလို့ သုံးဆယ်ရွာက အသက် ၅၀ အရွယ် အမျိုးသား ၁ ဦး ဖေဖော်ဝါရီ ၂၄ ရက်မှာ သေဆုံးခဲ့သလို ဇန်နဝါရီ ၁၁ ရက်ကလည်း အသက် ၁၃နှစ်
အရွယ် ကလေး ၁ ဦးအပါအဝင် မိသားစုဝင် ၃ ဦး သေဆုံးခဲ့တယ်လို့ သိရပါတယ်။
