ဒေနိဒီဇမ်ဘာ ၃ ရက်နိ ညဇာ ၄ နာရီကျော် လောက်မာ စစ်ကောင်စီတပ် ခလရ(၂၇၀) တပ်ရင်းက တပ်ဖွဲဝင် ၄၀ လောက်စွာ တိုက်ပွဲလုံးဝမဟိရေ ပုဏ္ဏားကျွန်းမြိုနယ်၊ ခမောင်းတောရွာကို မီးဆက်တိုက်နီကြောင်း သိရပါရေ။
ဒေနိ ညဇာ ၂ နာရီလောက်ကပင် စစ်ကောင်စီတပ်သား ၄ဝ လောက်စွာ ဇက်ရီယာဉ် နန့် လာပနာ တိုက်ပွဲဖြစ်ပွားခြင်း လုံးဝမဟိဘဲ ပုဏ္ဏားကျွန်းမြိုနယ်၊ ရဲရိုးပြင်အရှိရွာနန့် အနောက်ရွာရိုကို လူမဆန်စွာ မီးတိုက်ပစ်ခပြီးကေ လက်ဟိ ခမောင်းတောရွာကို မီးဆက်တိုက်နီစွာဖြစ်ပါရေ။
စစ်ကောင်စီတပ်သားတိစွာ ဒေသခံ ရွာသား တချိုကို ဖမ်းဆီးထားပြီးကေ ရဲရိုးပြင် နန့် ခမောင်းတော ရွာသားတိ ရွာက ထွက်ဗြီးတိမ်းယှောင်နီကတ်ရရေလို သိရပါရေ။
