ဧရာဝတီတိုင်း၊ ပုသိမ်မြို့ အခြေစိုက် အနောက်တောင်တိုင်း စစ်ဌာနချုပ်မှ စစ်သား ၁ ဦး အလင်းဝင်လာကြောင်း ပုသိမ်မြို့နယ် ပြည်သူ့ကာကွယ်ရေးအဖွဲ့ထံ သိရသည်။
ဇန်နဝါရီ ၁၉ ရက်နေ့တွင် ပုသိမ်မြို့ အခြေစိုက် အနောက်တောင်တိုင်း စစ်ဌာနချုပ်မှ စစ်လက်နက် ပစ္စည်းတပ်ခွဲ (စနခ ၄၄၄ ) မှ ဒုတပ်ကြပ် ၁ ဦးသည် ပုသိမ်မြို့နယ် ပြည်သူ့ကာကွယ်ရေးအဖွဲ့ထံ အလင်းဝင်ရောက်ခဲ့ကြောင်း သိရသည်။
အဆိုပါ အလင်းဝင်လာသော ဒုတပ်ကြပ်ကို ပုသိမ်မြို့နယ် ပကဖ တာဝန်ခံ ရဲဘော် ကိုစစ် က ဂုဏ်ပြုဆုငွေ ငါးသိန်းကျပ် သွားရောက် ပေးအပ်ခဲ့ပြီး CDM နှင့် သက်ဆိုင်သည့် ကိစ္စရပ်၊ လိုအပ်သည့်အရာများပါ ဆောင်ရွက်ပေးခဲ့ကြောင်းသိရသည်။
