မကွေးတိုင်း၊ ပေါက်မြို့နယ်ရှိ ရွှေလှံရွာကို အကြမ်းဖက် စစ်တပ်က လက်နက်ကြီးဖြင့် ပစ်ခတ်မှု ပြည်သူ ၂ ဦး ဒဏ်ရာရပြီး နေအိမ် ၁၉ လုံးကို မီးရှို့ဖျက်ဆီးခဲ့ကြောင်း ပေါက်ကာကွယ်ရေးအဖွဲ့မှ ဗိုလ်လရောင် က ပြောဆိုသည်။
ဧပြီလ ၅ ရက်နေ့ မွန်းလွဲပိုင်းတွင် ပေါက်မြို့နယ် အရှေ့ပိုင်းရှိ ရွှေလှံရွာကို အကြမ်းဖက် စစ်တပ်က လက်နက်ကြီးဖြင့် ပစ်ခတ်ပြီး ကျေးရွာကို စစ်ကြောင်းထိုး စီးနင်းပြီး နေအိမ် ၁၉ လုံးကို မီးရှို့ဖျက်ဆီးခဲ့ကြောင်း၊ အနီးအနားရှိ ကျေးရွာများကိုလည်း စစ်တပ်က လက်နက်ကြီးဖြင့် ပစ်ခတ်ခဲ့သောကြောင့် ကျွန်းပင်စုရွာမှ ပြည်သူ ၂ ဦး ထိခိုက်ဒဏ်ရာရရှိခဲ့ကြောင်း သိရသည်။
“ပေါက်နယ် အရှေ့ပိုင်းမှာရှိတဲ့ ရွှေလှံရွာကို စစ်ခွေးတွေ မီးရှို့ဖျက်ဆီးသွားတာပါ။ ပြည်သူတွေ တကယ်ကို အကူအညီ လိုအပ်နေတယ်။ စစ်ခွေး မီးရှို့သွားတာ နေအိမ် ၁၉ လုံး ပြာကျသွားတယ်။ ဧပြီလ ၅ ရက်နေ့တုန်းက ဝင်ရှို့သွားတာ ရွာထဲကိုလည်း လက်နက်ကြီးနဲ့ ပစ်လို့ ပြည်သူ ၂ ထိခိုက် ဒဏ်ရာရတယ်” ဟု ပေါက်ကာကွယ်ရေးအဖွဲ့မှ ဗိုလ်လရောင် က ပြောဆိုသည်။
လက်ရှိချိန်တွင် ရွှေလှံရွာနှင့် အနီးအနားရှိ ကျေးရွာများမှ ပြည်သူများသည် စားနိပ်ရိက္ခာများ အရေးပေါ်လိုအပ်နေပြီး အကြမ်းဖက် စစ်တပ် စစ်ကြောင်းသည် ပေါက်မြို့ပေါ်ကို ရောက်ရှိနေကြောင်း သိရသည်။
