မင်းကင်းပျူရွာကို ​တော်လှန်​ရေးအဖွဲ့များတိုက်ခိုက် ကျေးရွာပျူ​ခေါင်း​ဆောင်အပါအဝင်ပျူအချို့​သေဆုံးပြီးလက်နက်ခဲယမ်းများကို​တော်လှန်​ရေးအဖွဲ့များရရှိ

မင်းကင်းမြို့နယ် ကံရွာနှင့်ကျေးတောင်ဦးရွာရှိ ပျူစောထီးစခန်းကို ​တော်လှန်​ရေးအဖွဲ့များက စီးနင်းတိုက်ခိုက်ခဲ့ရာ ပျူစောထီး ခုနှစ်ဦးထက်မနည်းသေဆုံးပြီး Non CDM ဆရာမနှစ်ဦးအပါအဝင် သုံးဦး အရှင်ဖမ်းမိထားကြောင်းသတင်းရရှိသည်။

ကံရွာနှင့်ကျေးတောင်ဦးရွာရှိ ပျူစခန်းကို ကျောင်း သားတော်လှန်ရေးတပ်ဖွဲ့ (SRF) နှင့်မဟာမိတ်တပ်ဖွဲ့များက ဩဂုတ်လ ၂၈ ရက်နေ့ နံနက်အစောပိုင်တွင် တိုက်ခိုက်ခဲ့ခြင်းဖြစ်ကြောင်း ‌ဒေသခံပြည်သူ့ကာကွယ်​ရေးတပ်ဖွဲ့ဝင်တစ်ဦးကပြောသည်။ ​သေဆုံး​ ထိခိုက်သောပျူများရှိသလို ထွက်​ပြေးသွား​သောပျူများလည်းရှိ​ကြောင်းသိရသည်။

“ဒီနေ့ မနက် သတင်းအရ ကံရွာက ပျူခေါင်းဆောင် အောင်နိုင်လင်းသေတယ်။ စုစုပေါင်း ခုနစ်ယောက်သေတယ်။ ဒဏ်ရာတွေနဲ့ ထွက်ပြေးသူတွေ မင်းကင်းဆေးရုံမှ ကုနေတယ်” ဟု ၎င်းကဆက်ကပြောသည်။

တိုက်ပွဲသတင်းကို ​တော်လှန်​ရေးအဖွဲ့များက သြဂုတ် ၂၉ ရက်အထိ တရားဝင် မထုတ်ပြန်​သေးပါ။

People’s Spring က ရရှိထာသော သတင်းအရ တိုက်ပွဲအတွင်း ပြည်သူ့ကာကွယ်ရေးရဲဘော် သုံးဦး ဒဏ်ရာအနည်းရခဲ့ကြောင်းသိရသည်။ ထို့အပြင် အဆိုပါ ပျူစခန်းကို ဖျက်ဆီးခဲ့ပြီး သေနတ်လေးလက်နဲ့ ကျည်ဆန် သုံးရာထက်မနည်း သိမ်းဆည်းနိုင်ခဲ့သည်ဟု ဒေသခံPDF တစ်ဦးကပြောသည်။