ဂျန်နဝါရီ ၁၂ ရက်နိ၊ညဇာမာမင်းပြားအခြီစိုက်စစ်ကောင် စီတပ်ရင်းက ပစ်ခတ်လိုက်တေလက်နက်ကြီးကျည်ကျလို့ မြောက်ဦးမြို့က အာရက္ခပြည်သူ ၁ ယောက်သီဆုံးလားခပြီးကေ၊ အမျိုးသမီးတယောက်အပါအဝင် ၃ ယောက်ထိခိုက်ဒဏ်ရာရဟိလားကြောင်း သိရပါရေ။
သီဆုံးလားလူမာ မြောက်ဦးမြို့၊ထမ္မရာဇ်ရပ်ကွက်က ဦးသိန်းထွန်းစိန် (၇၆ နှစ်)ဖြစ်ပြီးကေ၊ ဒဏ်ရာရလားလူတိကတော့ ဦးကျော်သန်းချေ (၅၅ နှစ်)၊ ဦးင/တူ (၅၂နှစ်)နန့် ဒေါ်မရွှီအေး (၄၈နှစ်)ဖြစ်ပါရေ။
ဂျန်နဝါရီ ၁၂ ရက်နိ၊ ညဇာ ၈နာရီ ၂၂ မိနစ်မာ မင်းပြားအခြီစိုက် ခမရ (၅၄၁)စစ်ကောင်စီတပ်ရင်းက ရည်ရွယ် ချက်ဟိဟိ ပစ်ခတ်လိုက်တေ လက်နက်ကြီးကျည်တိစွာ မြောက်ဦးမြို့၊ထမ္မရာဇ်ရပ်ကွက်သို့ ကျရောက်ပေါက်ကွဲခရေလို့ ဒေသခံတိက ပြောပါရေ။
ယင်းလက်နက်ကြီးကျည်ကျရောက်ပေါက်ကွဲခလို့ ဦးသိန်းထွန်းစိန်မာ ဦးဂေါင်းထိခိုက်ဒဏ်ရာနန့် သီဆုံးလားရေလို့ ဆိုပါရေ။
အလားတူ ဦးကျော်သန်းချေနန့် ဦးင/နီတူရို့၏ ခန္ဓာကိုယ် အနှံ့မာလည်း ထိခိုက်ဒဏ်ရာရဟိလားရေပိုင် ဒေါ် မရွှီအေးမာလည်း နားထင်၊ခါးနန့် လက်မောင်းရို့မာ ဒဏ်ရာ ပြင်းပြင်းထန်ထန် ရလားကြောင်းသိရပါရေ။
