မကွေးတိုင်း၊ ပြည်သူ့ လွတ်မြောက်ရေး အင်အားစု စေတုတ္တရာ အတွက် လက်နက်၊ ခဲယမ်း ဖြည့်တင်းနိုင်ဖို့ မြေလတ်ဒေါင်းတို့ပွဲကစို့ တော်လှန်အငြိမ့်ကို မေ ၁၈ ရက် ည ၇ နာရီ မှာ အွန်လိုင်းမှာ ပြသမှာ ဖြစ်တဲ့အတွက် လက်မှတ်များဝယ်ယူ အားဖြည့်ပေးဖို့ အသိပေး ထားပါတယ်။
မင်းဘူးခရိုင် အမှတ် (၃) တပ်ရင်းအနေနဲ့ တိုက်ပွဲကြီး ငါးပွဲ၊ တိုက်ပွဲငယ် ၃၀ ကျော် ဖော်ဆောင်နိုင်ခဲ့ပြီးတော့ နောက်ဆုံးတိုက်ပွဲမှာ လက်နက် ၊ ကျည်ဆံ မလုံလောက် တဲ့အတွက် ခွာစစ်ဆုပ်ပေးလိုက်တဲ့အချိန်မှာ အကြမ်းဖက် စစ် ကြောင်းမှ ကျေးရွာ တရွာကို မီးရှို့ ဖျက်ဆီး သွားခဲ့အတွက် နောက်ထပ် ဒါမျိုးမဖြစ်ရအောင် ဒီကမ်ပိန်းကို ပြုလုပ် ရတာ ဖြစ်တယ်လို့ PDF တပ်ရင်း (၃) ကပြောပါတယ်။
ဒါကြောင့် ပြည်သူ့လွတ်မြောက်ရေး စေတုတ္တရာ ကမ်ပိန်းအတွက် တော်လှန်အငြိမ့် ကိုပြသမှာဖြစ်တာကြောင့် သတ်မှတ်ရံပုံငွေ သိန်း ၃၀၀ ကျပ်သတ်မှတ်ထားပါတယ်။
မြေလတ်ဒေါင်းတို့ပွဲကစို့ တော်လှန်အငြိမ့်မှာ ပါဝင်ကပြမယ့် တော်လှန်အနုပညာရှင်များကတော့ စိန်သီး၊ ပေါက်စီ၊ စိန်ပန်း၊ အောင်ပန်း၊ အနဂ္ဂ၊ CDM အငြိမ့်မင်းသမီး မစန်းနီလာဝင်း၊ ဂီတမှူး ဖိုးသင်္ကြန် ၊ တေးဂီတ သောင်ရင်း သုခုမတို့က ဖျော်ဖြေ တင်ဆက်သွားမှာဖြစ်ပါတယ်။
ပြပွဲ လက်မှတ်များကို နိုင်ငံအလိုက် သက်ဆိုင်ရာ ကိုယ်စားလှယ်များ ထံမှ ဝယ်ယူနိုင်တယ်ဆိုတာနဲ့လက်မှတ် တစောင်ကို မြန်မာကျပ်ငွေ ၃ သောင်း နဲ့ ရောင်းချမှာ ဖြစ်တယ်လို့ ဆိုပါတယ်။
အဆိုပါ တော်လှန်အငြိမ့်ကို မြေလတ်ဒေါင်းတို့ပွဲကစို့ ဖေ့ဘုတ် ပေ့ချ်တွင် ကြည့်ရှုနိုင်ပြီး၊ ပြသရန် ၇ ရက်အလိုမှာ ဝက်ဆိုဒ် ပေ့ချ် အားလွှင့်ပေးသွားမှာဖြစ်ကာ ကြည့်ရမယ့်နည်းလမ်းတွေကို လမ်းညွှန် အသိပေး ကြေငြာသွားမယ်လို့ ဆိုပါတယ်။
ကမ်းပိန်းအတွက် လက်မှတ်တွေကို မြေလတ်ဒေါင်းတို့ပွဲကစို့ ဖေ့ဘုတ် ပေ့ချ်မှာလည်း https://www.facebook.com/myaylattdaung2024 မေးမြန်းဝယ်ယူနိုင်ပါတယ်။
