ရန်ကုန်တိုင်း၊ မင်္ဂလာဒုံမြို့နယ်၊ မင်္ဂလာဒုံရဲစခန်းအနီးတွင် ယနေ့ညပိုင်း ဗုံးပေါက်ကွဲပြီး ရဲတပ်ဖွဲ့ဝင်တချို့ ထိခိုက်ဒဏ်ရာရရှိကြောင်း ဒေသပြည်သူ များက ပြောဆိုကြသည်။
ဇူလိုင်လ ၂၇ ရက်နေ့ ည ၇ နာရီ ၁၀ မိနစ်အချိန် မင်္ဂလာဒုံရဲစခန်းနှင့် ခရေပင် လမ်းခွဲအနီးတွင် ဗုံးပေါက်ကွဲခြင်းဖြစ်ပြီး ဗုံးပေါက်ကွဲမှုကြောင့် ရဲတပ်ဖွဲ့ဝင်တချို့ ထိခိုက်ရာရရှိသဖြင့် သယ်ဆောင်သွားမှုများ မြင်တွေ့ရကြေင်း ဒေသပြည်သူတစ်ဦးက ရှင်းပြသည်။
“ဒီည ၇နာရီ ၁၀မိနစ်လောက်ကမင်္ဂလာဒုံရဲစခန်းနား ပေါက်ကွဲသံကြား ရပြီးတော့ ရဲခွေးတွေထိတယ်။ ရဲတွေနဲ့ စစ်သားတွေ ပြာယာခတ်နေတာပဲ” ဟု ဒေသပြည်သူတစ်ဦးက ပြောဆိုသည်။
ရန်ကုန်မြို့တွင် ယခုဇူလိုင်လနှောင်းပိုင်းတွင် ရက်အတော်ကြာ ပေါက်ကွဲမှုများ ဖြစ်ပွားခြင်းမရှိဘဲ ငြိမ်သက်နေရာမှ ယနေ့ ဇူလိုင်လ ၂၇ ရက်နေ့တွင် မင်္ဂလာဒုံ ရဲစခန်းအနီးတွင် ဗုံးပေါက်ကွဲမှု ဖြစ်ပွားခြင်းဖြစ်ကြောင်း သိရှိရသည်။
