မတူပီခရိုင်ရှိ ရေဇွာမြို့ကို ချင်းကာကွယ်ရေးပူးပေါင်းတပ် တိုက်ခိုက်သိမ်းပိုက်နိုင်ခဲ့ပြီး စစ်ကောင်စီတပ်ဖွဲ့ဝင် ၄၀ ဦး လက်နက်ချအညံ့ခံ

ချင်းပြည်နယ်၊ မတူပီခရိုင်၊ ရေဇွာမြို့ကို ချင်းအမျိုးသားတပ်မတော်နှင့် ချင်းကာကွယ် ရေးပူးပေါင်းတပ်ဖွဲ့တို့က ယနေ့ နိုဝင်ဘာ ၂၉ ရက်နေ့ နံနက်ပိုင်းတွင် အပြီး သိမ်းပိုက်နိုင်ခဲ့ကြောင်းသိရသည်။

မတူပီ-ဟားခါးလမ်းရှိ ရေဇွာမြို့ကို ချင်းအမျိုးသားတပ်မတော်နှင့် ချင်းကာကွယ်ရေး ပူးပေါင်းတပ်ဖွဲ့တို့က ပြီးခဲ့သည့် နိုဝင်ဘာလ ၂၆ ရက်မှ စတင်ပိတ်ဆို့တိုက်ခိုက်ခဲ့ရာ ယနေ့တွင် အပြီးသိမ်းပိုက်နိုင်ခဲ့ခြင်းဖြစ်သည်။

“စစ်ကောင်စီတပ်ဖွဲ့ဝင် ၄၀ ဦးက လက်နက်ချအညံ့ခံလိုက်တာ။ မြို့သိမ်းတိုက်ပွဲမှာ ချင်းကာကွယ်ရေးတပ်ဖွဲ့(ဇိုတုန်)တပ်ဖွဲ့ဝင်တစ်ဦးကျဆုံးသွားပါတယ်” ဟု ချင်းကာကွယ် ရေးတပ်ဖွဲ့ (ဇိုတုန်)၊ တာဝန်ခံက ပြောပါသည်။

ရေဇွာမြို့သိမ်းတိုက်ပွဲတွင် စစ်ကောင်စီက လေကြောင်းတိုက်ခိုက်မှု ၁၀ ကြိမ်ထက်မနည်း ပြုလုပ်ခဲ့ပြီး လူနေအိမ်တချို့ပျက်စီး ခဲ့ကြောင်းသိရသည်။

မတူပီခရိုင်၊ ရေဇွာမြို့ကို ချင်းအမျိုးသားတပ်မတော်(CNA)၊ ချင်းကာကွယ်ရေးတပ်ဖွဲ့ (ဇိုတုန်)၊ ချင်းကာကွယ်ရေးတပ်ဖွဲ့(ဇိုဖေ)၊ ချင်းကာကွယ်ရေးတပ်ဖွဲ့(ဆဲန့်ထန်)၊ ချင်း ကာကွယ် ရေးတပ်ဖွဲ့(မရာ)၊ ချင်းကာကွယ်ရေးတပ်ဖွဲ့(လောက်တူ)နှင့် ချင်းကာကွယ် ရေးတပ်ဖွဲ့ (မတူပီ)၊ တပ်ရင်း-၂ တို့က တိုက်ခိုက်သိမ်းပိုက်ခြင်းဖြစ်ကြောင်းသိရသည်။