မန္တလေးမြို့ ဘုရားစေတီအချို့တွင် ယနေ့ (မေလ ၂၂) ကဆုန်လပြည့်နေ့၌ ပြည်သူအချို့က တော်လှန်ကဆုန်ညောင်ရေသွန်းလှုပ်ရှားမှုပြုလုပ်ခဲ့ကြသည်။
ပြည်သူများက ဗောဓိညောင်ပင်တွင် ရေသွန်းလောင်း ကုသိုလ်ယူရင်း ညောင်ရေအိုးပေါ်၌ “အရေးတော်ပုံအောင်ရမည်” စာသားရေးသားခြင်းနှင့် လက်သုံးချောင်းထောင်ခြင်းတို့ပြုလုပ်ကာ ဆန္ဒထုတ်ဖော်ခဲ့သည်။
ယင်းဆန္ဒပြလှုပ်ရှားမှုကို အောင်မြေသာစံ ပညာရေးကျောင်းပေါင်းစုံ သပိတ်မှ ရဲဘော်များနှင့် မန္တလေးသပိတ်အင်အားစုမှ လူငယ်များက ပြုလုပ်ခဲ့ကြခြင်း ဖြစ်သည်။
