မန္တလေးမြို့ ၊အောင်မြေသာစံမြို့နယ် ၊မြောက်ပြင်ရပ်ကွက်မှာ ဒီမနက်ပိုင်းက မီးလောင်မှုဖြစ်ပွားပြီး နေအိမ် ၁၅ လုံး မီးထဲပါသွားတယ်လို့ဒေသခံတွေထံကသိရပါတယ်။
မနက်ပိုင်း ၁၁ နာရီခွဲဝန်းကျင်က မြောက်ပြင်ရပ် ၊ အမရဌာနီအရှေ့ရပ်ကွက် ၊ ၇၈ လမ်း ၊ ၉လမ်းနဲ့ ၈ လမ်းကြားမှာ မီးလောင်မှုဖြစ်တာပါ။
မီးလောင်မှုဖြစ်တဲ့နေရာဟာ လူနေအိမ်ခြေစိပ်တာကြောင့် အချိန်တိုတွင်း မီးထဲပါသွားတဲ့အိမ်ခြေများပြားတာလို့ အမရဌာနီအရှေ့ရပ်ကွက်မှာ နေထိုင်သူက ပြောပြပါတယ်။
မီးသတ်ရဲ့ဖော်ပြချက်အရတော့ နာရီဝက်နီးပါး မီးလောင်ကျွမ်းခဲ့ပြီး နေ့လယ် ၁၂ နာရီမှာ မီးငြိမ်းသွားတယ်လို့သိရပါတယ်။
မီးလောင်မှုဖြစ်စဉ်မှာ နေအိမ်တွေသာ မီးထဲပါသွားတာဖြစ်ပြီး လူသေဆုံးမှုမရှိဘူးလို့သိရပါတယ်။မီးလောင်ရတဲ့အကြောင်းရင်းကိုတော့မသိရသေးပါဘူး။
