မန္တလေးတိုင်း၊ မြင်းခြံမြို့နယ်တွင် အကြမ်းဖက် စစ်ကောင်စီ တပ်သားများ လိုက်ပါလာသော ကားကို မိုင်းဆွဲ တိုက်ခိုက်ရာ ၂ ဦးသေဆုံးခဲ့ကြောင်း မြင်းခြံခရိုင် အမှတ် ၈ တပ်ရင်းထံမှ သိရသည်။
ဒီဇင်ဘာလ ၂၀ ရက်နေ့ ညနေ ၅ နာရီခန့်တွင် မြင်းခြံမြို့နယ်၊ သင်ပြွန်းကျေးရွာ ဖောက်လမ်းပေါ်ကို ရောက်ရှိလာသည့် စစ်ကောင်စီ တပ်သားများ လိုက်ပါလာသောကား ၁ စီးကို တော်လှန်ရေး တပ်ဖွဲ့များက မိုင်းဆွဲ တိုက်ခိုက်ရာ စစ်သား ၂ ဦးသေဆုံးပြီး ၂ ဦး အပြင်းအထန် ဒဏ်ရာရရှိခဲ့ကြောင်း သိရှိရသည်။
အဆိုပါ တိုက်ခိုက်မှုကို မြင်းခြံခရိုင်အမှတ် ၈ တပ်ရင်း – NRDF နှင့်အတူ ဗိုလ်စားပြောက်ကြားတပ်ဖွဲ့ ၊ ဒေါင်းမင်းတမန်အဖွဲ့ ၊ မြင်းခြံခရိုင်အမှတ် ၁ တပ်ရင်း ၊ မလှိုင် ပကဖ တို့ ပူးပေါင်း လုပ်ဆောင်ခဲ့ကြောင်း သိရသည်။
