ကရင်အမျိုးသားလွတ်မြောက်ရေးတပ်မတော် KNLA၊ မှ ဦးဆောင်ပြီး တော်လှန်ရေးတပ်ဖွဲ့အများက မြဝတီမြို့အား သိမ်းပိုက်ပြီးနောက် မြို့အတွင်း တော်လှန်ရေးတပ်ဖွဲ့ဝင်များ ကင်းလှည့်နေသည့်ကို မြင်ရကြောင်း ထိုင်းမီဒီယာများက ဖော်ပြသည်။
မြဝတီစစ်ကောင်စီ ၂၇၅ တပ်ရင်းအား ကရင်အမျိုးသားလွတ်မြောက်ရေးတပ်မတော် KNLA၊ ကရင်အမျိုးသားအစည်းအရုံး KNUနှင့် ပြည်သူ့ကာကွယ်ရေးတပ် People’s Defence Force-PDF တို့ သိမ်းပိုက်ပြီးနောက် ယနေ့ ဧပြီ ၁၁ရက်နေ့ နေ့လယ်ပိုင်းတွင် ကင်းလှည့်နေသည်ကို တွေ့ရသည်။
မြို့ထဲတွင် KNA/BGF နှင့် PDF တပ်ဖွဲ့များသည် မြဝတီမြို့တစ်ဝိုက်တွင် ကင်းလှည့်မောင်းနှင်လျက်ရှိပြီး လက်တံဆိပ်အမျိုးမျိုးဝတ်ဆင်ထားသည့် အမျိုးသားနှင့် အမျိုးသမီး စစ်သားနှစ်မျိုး စလုံးကို တွေ့ရကြောင်း The Reporter သတင်းဌာနတွင် ဖော်ပြထားသည်။
The Reporter သတင်းဌာန၏ ဖော်ပြထားချက်အရ ထိုင်း-မြန်မာ ချစ်ကြည်ရေးတံတား အမှတ်(၂) ဂိတ်ပိတ်ဖို့ အမိန့်ထုတ်ပြီး မြို့အတွင်း ရှိနေသည့် ပြည်သူတစ်ချို့သည် မဲဆောက်မြို့ဖက်သို့ ဖြည်းဖြည်းချင်း ထွက်လာကြကြောင်း သိရသည်။
