မြဝတီမြို့၊ လက်ခတ်တောင်ဒေသကို စစ်တပ်က ယနေ့ ညပိုင်းတွင် ဂျက်ဖိုက်တာဖြင့် ဗုံးကျဲ တိုက်ခိုက်နေ

ကရင်ပြည်နယ်၊ မြဝတီမြို့၊ လက်ခတ်တောင်ဒေသကို အကြမ်းဖက် စစ်တပ်က ယနေ့ ညပိုင်းတွင် ဂျက်ဖိုက်တာဖြင့် ဗုံးကျဲ တိုက်ခိုက်နေကြောင်း ဒေသပြည်သူများက ပြောဆိုသည်။

ယနေ့ ဇန်နဝါရီလ ၁၈ ရက်နေ့ ည ၈ နာရီ ၅ မိနစ်ခန့်တွင် အကြမ်းဖက် စစ်တပ်က မြဝတီမြို့၊ လက်ခတ်တောင်ဒေသကို ဂျက်ဖိုက်တာဖြင့် ဗုံးကျဲ တိုက်ခိုက်ခဲ့ကြောင်း သိရသည်။

“အခု ည ၈ နာရီ ၅ မိနစ်လောက်က မြဝတီမြို့၊ လက်ခတ်တောင်ဒေသကို အကြမ်းဖက် စစ်ခွေးတွေက ဂျက်ဖိုက်တာ ၁ စီးနဲ့ ဗုံးလာကျဲတယ်။ မြဝတီမြို့ ထဲမှာ မြေကြီးတွေပါတုန်တယ်။ ဘာတိုက်ပွဲမှ မရှိပါဘူး။ PDF တွေက နားထားတယ်။ ဒီရက်ပိုင်း ဘုန်းကြီး ပျံပွဲရှိလို့ တိုက်ပွဲတွေ ဖြစ်ရင် ဘုန်းကြီး ပျံပွဲ ပျက်မှာကြောက်လို့ ထင်တယ်။ PDF တွေက ဘာမှပြန်မလုပ်ပါဘူး။ ကျွန်တော့် အထင်ပြောရရင် စစ်ခွေးတွေက ရည်ရွယ်ချက်ရှိရှိ ဗုံးကျဲတာထင်တယ် ဘာသာရေး မှိုင်းတိုက်ဖို့” ဟု ဒေသပြည်သူတစ်ဦးက ပြောဆိုသည်။