မြိုင်တွင် စစ်အာဏာရှင် တော်လှန်ရေး ရုပ်ရှင်များပြသပြီး ” အကျပ်အတည်းအားလုံးရဲ့ တရားခံအာဏာ ရှင်စနစ်ဆိုးနဲ့ အာဏာရူးစစ်အုပ်စုကို အမြစ်ပြတ်တော်လှန် ” လူထု စည်းရုံး လှုပ်ရှားမှု လုပ်ဆောင်

မကွေးတိုင်း၊ မြိုင်မြို့နယ်အခြေခံပညာအထွေထွေသပိတ်ကော်မတီအနေဖြင့် ယနေ့ ဒီဇင်ဘာလ(၂၆)ရက်နေ့ညတွင် မြိုင်မြို့နယ်အတွင်းရှိ ကျေးရွာတစ်ရွာမှ ပြည်သူလူထုအား သပိတ်ခေါင်းဆောင်တစ်ဦးဖြစ်သော ကိုတေဇာဆန်း နှင့် တော်လှန်အနုပညာရှင်ရဲဘော်များက လက်ရှိတော်လှန်ရေးအခြေအနေများနှင့် ပြည်သူလူထု ပူးပေါင်းပါဝင်ရမည့် အခြေအနေများအား တင်ပြစည်းရုံးသည့် ရုပ်ရှင်များ ပြသသည်။

ထို့ပြင် မြိုင်မြို့နယ်အခြေခံပညာအထွေထွေသပိတ်ကော်မတီဝင်များက မြေပြင်တော်လှန်ရေးအခြေအနေများနှင့် ပတ်သတ်၍ ရှင်းလင်းတင်ပြဆွေးနွေးခြင်းများဖြင့် လူထုစည်းရုံးလှုပ်ရှားမှု လုပ်ဆောင်ကြသည်။