မြိုင်ဒေသမှာ စစ်ရေးအောင်မြင်မှုတွေ ပိုမိုရရှိစေရန် ပူးပေါင်းပါဝင်ပေးကြဖို့ MSB တိုက်တွန်း

မကွေးတိုင်း၊ မြိုင်ဒေသမှာ တော်လှန်ရေးရဲဘော်တွေအတွက် စစ်ရေးအောင်မြင်မှုတွေ ပိုမိုရရှိ စေရန် ပြည်သူတွေအနေနဲ့ ပူးပေါင်း ပါဝင်ပေးကြဖို့ Myaing Supporting Battalion(MSB)ရဲ့ အတွင်းရေးမှူးက PVTV ကိုပြောပါတယ်။

မြိုင်ဒေသမှာ စစ်ရေးအောင်မြင်မှုရဖို့ ခက်ခက်ခဲခဲကြိုးစားနေတဲ့ ရဲဘော်တွေရဲ့ လိုအပ်ချက်တွေကို တစ်ထောင့် တစ်နေရာကနေသာ ကူညီပေးကြမယ်ဆိုရင် တော်လှန်ရေး‌‌အောင်မြင်မှုတွေ၊ စစ်ရေး အောင်မြင်မှုတွေ များစွာ ရရှိလာမှု အသေချာပဲ ဖြစ်ပါတယ်လို့ ဆိုပါတယ်။

‘ကျွန်တော်တို့ မြိုင်ဒေသကို ဒီထပ်ပိုပြီး စစ်ရေးအောင်မြင်မှုတွေရဖို့ မြိုင်ထောက်ပို့ တပ်ရင်း(MSB)ထံသို့ ဆက်သွယ်ပြီး ယုံယုံကြည်ကြည်နဲ့ ထောက်ပို့တပ်သားတွေ အဖြစ်နဲ့ သော်လည်းကောင်း ထောက်ပို့အလှူရှင် အဖြစ်နဲ့ ပူးပေါင်းပါဝင်‌ပေးကြဖို့ လေးစားစွာ မေတ္တာရပ်ခံအပ်ပါတယ်’ လို့ MSB အတွင်းရေးမှူးက ပြောပါတယ်။

MSB ထောက်ပို့ တပ်ရင်းအနေနဲ့ ပြည်သူတွေရဲ့ ချွေးနည်းစာနဲ့ ကူညီထောက်ပံ့လာတဲ့ ထောက်ပံ့မှုတွေကို လေလွင့်မှုမရှိပဲ သက်ဆိုင်ရာတပ်ရင်းတပ်ဖွဲ့တွေထံ တိုက်ရိုက်ရောက်ရှိစေဖို့ လစဥ်စနစ်တကျ ဆောင်ရွက် ပေးသွားမှာဖြစ်တယ်လို့ ဆိုပါတယ်။

ပြည်သူတွေအနေနဲ့ ထောက်ပို့တာဝန်ကို လစဥ်ထမ်းပြီး အညာဒေသကို ကူကြဖို့ Myaing Supporting Battalion(MSB)မြိုင်ဒေသ ထောက်ပို့တပ်ရင်း က တိုက်တွန်းထားပါတယ်။

အညာဒေသ(မြိုင်)ထောက်ပို့တပ်ရင်းကို ကူညီထောက်ပို့ချင်သူတွေအတွက် Myaing Supporting Battalion(MSB)ရဲ့ လူမှုကွန်ရက်စာမျက်နှာဖြစ်တဲ့

https://www.facebook.com/profile.php?id=61556353949713

မှာ ပူးပေါင်းပါဝင်နိုင်ပါတယ်။