မြောက်ဦးမြို့၊ မြို့ဦးဂေါင်းစစ်ဖီးယှောင်စခန်းနားမာ ဒီဇမ်ဘာ ၃ ရက်နိ ညည့် ၉ နာရီကျော်လောက်က စစ်ကောင်စီတပ်ပစ်လိုက်တေ လက်နက်ကြီးကျည် ၁ လုံး မပေါက်ကွဲဘဲ ကျန်ဟိနီကြောင်း သိရပါရေ။
မြောက်ဦးအခြီစိုက် စစ်ကောင်စီတပ် ခမရ(၅၄၀) တပ်ရင်းစွာ ဒီဇမ်ဘာ ၃ ရက်နိ ညည့် ၉ နာရီကျော်လောက်ကစလို့ အပြစ်မဲ့ပြည်သူတိနီထိုင်ရေ ရွာတိသို့ လက်နက်ကြီးတိနန့် ရည်ရွယ်ချက်ဟိဟိ တရစပ် ယမ်းကား ပစ်ခတ်နီခပါရေ။
ယင်းအထဲက လက်နက်ကြီးကျည်တလုံးစွာ မြောက်ဦးမြို့၊ မြို့ဦးဂေါင်း စစ်ဖီးယှောင်စခန်းနားကို ကျရောက်ခပြီးကေ မပေါက်ကွဲခဘဲ ကျန်နီခစွာ ဖြစ်ပါရေ။
ယင်းလက်နက်ကြီးကျည်စွာ အချိန်မရွီး ပေါက်ကွဲနိုင်လို့ စစ်ဖီးယှောင်တိစိုးရိမ်နီကတ်ရကြောင်း သိဟိရပါရေ။
