စစ်ကိုင်းတိုင်း၊ ယင်းမာပင်မြို့နယ်တွင် မြောက်ယမားချောင်းရေ ညအချိန် မြင့်တက် လာသောကြောင့် ကျေးရွာ ၂၀ ကျော်မှ ပြည်သူများ ထွက်ပြေး တိမ်းရှောင်နေရကြောင်း ဒေသပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။
မေလ ၁၄ ရက်နေ့ ညပိုင်းတွင် မိုခါ မုန်တိုင်း အရှိန်ကြောင့် မိုး ဆက်တိုက် ရွာသွန်းပြီး မြောက်ယမားချောင်းရေ မြင့်တက်လာပြီး ကျေးရွာအတွင်းသို့ ရေများ ဝင်ရောက်လာသောကြောင့် ကျေးရွာ ၂၀ ကျော်က ပြည်သူများ ညအချိန် ထွက်ပြေးတိမ်းရှောင်နေရကြောင်း သိရသည်။
” ချောင်းရေ တက်လာတာ မြန်တယ်။ ရွာပေါင်း ၂၀ ကျော်က ပြည်သူတွေ ထွက်ပြေးတိမ်းရှောင်နေရတယ်။ ယင်းမာပင်-ဆားလင်းကြီး မြောက်ယမားဘေးက ကျေးရွာတွေပါ” ဟု ပြည်သူတစ်ဦးကပြောဆိုသည်။
