ဒေနိ (ဒီဇမ်ဘာ ၄ ရက်နိ) နိခင်း ၁၂ နာရီကျော်လောက်ကစလို့ မွန်းလွဲ ၂ နာရီထိ အကြမ်းဖက် စစ်ကောင်စီတပ်စွာ ရက္ခိုင်ရှေးဟောင်းမြို့တော် မြောက်ဦးမြို့တွင်းလမ်းခွဆုံတိမာ ယမ်းကား သီနတ်ထောင်ဖောက်ခကြောင်း သိရပါရေ။
မြောက်ဦးအခြီစိုက် စစ်ကောင်စီတပ် ခမရ (၃၇၇) တပ် ရင်းက တပ်ဖွဲ့ဝင် အင်အား ၅၀ ကျော်လောက်စွာ ဗန္ဓုလတန်းထား ၊ တောင်ရပ် ၊ စပါးဆိပ်၊ လော်ဂမူ၊ ကျောက်ရာဇ်ကေ အစဟိရေ ရပ်ကွက်တိ၏ လမ်းခွဆုံတိမာ လက် နက်ချေတိနန့် ပစ်ခတ်ခစွာဖြစ်ပါရေ။
ယင်းပိုင် စစ်ကောင်စီက မြောက်ဦးမြို့အတွင်း ယမ်းကားပစ်ခတ်လို့ ထိခိုက်ပျက်စီးမှုအနီအထားကိုတော့ APM က ဆက်လို့ စုံစမ်းနီပါရေ။
ကုန်ခရေ နိုဗမ်ဘာ ၁၃ ရက်နိကလည်း စစ်ကောင်စီတပ်ဖွဲ့ဝင်တိက ရည်ရွယ်ချက်ဟိဟိ ပစ်ခတ်မှုကြောင့် မြောက်ဦးဒေသခံ ၂ ယောက် သီဆုံးခရပြီးကေ အရပ်သားပြည်သူ ၃ ယောက် ဒဏ်ရာရလား ပါသိမ့်ရေ။
