ရန်ကုန်တွင် ဗကသ ကျောင်းသားများက စစ်အာဏာရှင် ဆန့်ကျင်ရေး ဆန္ဒပြ

ရန်ကုန်တွင် ဗမာနိုင်ငံလုံးဆိုင်ရာ ကျောင်းသား သမဂ္ဂများအဖွဲ့ချုပ် (ဗကသများအဖွဲ့ချုပ်) က ဦးဆောင်ကာ လူ့ဘောင်သစ်‌ ဒီမိုကရက် တစ်ပါတီ (DPNS) နှင့် လူ့ဘောင်သစ်လူငယ် (YNS) တို့ ပူးပေါင်းပြီး ယနေ့ မေလ ၅ ရက်နေ့တွင် စစ်အာဏာရှင် ဆန့်ကျင်ရေး ဆန္ဒပြခဲ့ကြောင်း သိရသည်။

အဆိုပါ ဆန္ဒပြပွဲတွင် “တော်လှန်ရေး သမားကို သေဒဏ်ချရုံနဲ့ တော်လှန်ရေးက သေဒဏ်မကျဘူး” စာသား ကိုင်ဆောင်ပြီး မြောက်ဥက္ကလာပမြို့နယ် ကျောင်းသားများသမဂ္ဂ (ဗကသများအဖွဲ့ချုပ်) ၏ မြေပြင်တာဝန်ခံ ကိုကောင်းဆက်ပိုင် အပါအဝင် ဒီမိုကရေစီအရေး လှုပ်ရှားဆောင်ရွက်သူများကို အကြမ်းဖက် ဖက်ဆစ်တပ်က မတရား ဖမ်းဆီး သေဒဏ်ချမှတ်နေမှုများအား ပြင်းပြင်းထန်ထန် ဆန့်ကျင်သည့်အနေဖြင့် ယနေ့ မေလ ၅ ရက်နေ့တွင် စစ်အာဏာရှင်စနစ် ဆန့်ကျင်ရေးလှုပ်ရှားမှု ပြုလုပ်ခဲ့ခြင်းဖြစ်ကြောင်း သိရှိရသည်။