ရွာပေါင်းစုံ သပိတ် စစ်ကြောင်းက ဖက်ဆစ် စစ်တပ် ချေမှုန်းရေး ချီတက် ဆန္ဒပြ

စစ်ကိုင်းတိုင်း၊ ယင်းမာပင်-ဆားလင်းကြီး ရွာပေါင်းစုံသပိတ် စစ်ကြောင်း ဦးဆောင်ကာ ယနေ့ မေလ ၂၆ ရက်နေ့တွင် ဖက်ဆစ် စစ်တပ် ချေမှုန်းရေး ချီတက် ဆန္ဒပြခဲ့ကြောင်း သိရသည်။

ရွာပေါင်းစုံ သပိတ်စစ်ကြောင်းသည် စစ်အာဏာရှင် ဆန့်ကျင်ရေး ချီတက် ဆန္ဒပြမှု ရက်ပေါင်း ၈၀၀ ပြည့်မြောက်သောနေ့ အဖြစ် ဒေသတွင်း သပိတ်စစ်ကြောင်းများနှင့်ပူးပေါင်းကာ ချီတက် ဆန္ဒပြခဲ့ပြီး NUG အစိုးရ နိုင်ငံခြားရေး ဝန်ကြီး ဒေါ်ဇင်မာအောင်နှင့် KNU မှ ဖဒိုစောတာဒိုမှူးတို့က ဂုဏ်ပြု စကားများ ပြောကြားခဲ့ပြီး သပိတ် ရဲဘော်များမှလည်း တော်လှန် ဖျော်ဖြေမှုများ ပြုလုပ်ခဲ့ကြောင်း သိရှိရသည်။