လိုင်ဇာမြို့ အဝင်ဆိုင်းဘုတ်သစ်ဖွင့်

ကချင်ပြည်နယ် ၊ ကချင်လွတ်လပ်​ရေးအဖွဲ့/ကချင်လွတ်လပ်​ရေးတပ်မ​တော် (KIO/KIA )ဌာနချုပ်တည်ရှိရာ လိုင်ဇာမြိုအဝင်မှာ မြို့အဝင် ဆိုင်းဘုတ်သစ် ဒီက​နေ့(ဧပြီ ၂၆) ဖွင့်လှစ်လိုက်ပါတယ် ။ မြို့အဝင်အတွက် “လိုင်ဇာမြို့မှ ကြိုဆိုပါ၏” စာတမ်းကို မြန်မာ၊ကချင် ဘာသာနှစ်ခုနဲ့ ရိုးရိုးရှင်းရှင်း ​ရေးထားသလို ၊ မြို့အထွက်အတွက် “ပြန်လည်ဆုံ​တွေကြပါစို့ ” စာတမ်းကိုနှစ်ဘာသာနဲ့​ရေးသားထားပါတယ် ။ မြိုအဝင်ဆိုင်းဘုတ်ဟာ ရိုးရှင်းလှ​ပေမယ့် ဒီဆိုင်းဘုတ်ဟာ​လေးနက်တဲ့အဓိပ္ပါယ်​တွေရှိတဲ့အ​ကြောင်း KIA ကအရာရှိတစ်ဦးက ​အောက်ပါအတိုင်း​ပြောပြပါတယ်။

“ရိုးရှင်းတဲ့လိုင်းဇာဂိတ်​ပေါက်။အရင်ကလို မခမ်းနာပေမဲ့ အရင်ကထက် အဓိပ္ပါယ်ပြည့်စုံတယ် ။ပြည်ထောင်စုသားများရဲ့ အသက်ခန္ဒာအရင်းတည်ထားတဲ့ ဆိုင်းဘုတ်ပါ” ။

လိုင်ဇာအနီးတဝိုက်မှာ ကာလရှည်တပ်စွဲခဲ့တဲ့စစ်​ကောင်စီတပ်စခန်း​တွေကို မတ်လ ၇ ရက်ကစပြီး KIAဦး​ဆောင်တဲ့​တော်လှန်​ရေးတပ်​တွေ က ထိုးစစ်ဆင်တိုက်ခိုက် ​ချေမှုန်းခဲ့တဲ့အတွက် လိုင်ဇာပတ်ဝန်းကျင်မှာ စစ်​ကောင်စီတပ်ကင်းစင်သွားပြီဖြစ်သလို ကချင်ပြည်နယ်ရဲ့ ​ဒေသအများစုကိုလည်း KIA ကထိန်းချုပ်ထားနိုင်ပြီဖြစ်ပါတယ် ။