လောင်းလုံးမြို့နယ်ရှိ ကျေးရွာတစ်ရွာတွင် ဒီမိုကရေစီအရေးလှုပ်ရှားမှုသပိတ်ကော်မတီ (DDMSC)၊ လူထုစည်းရုံးလှုံ့ဆော်ရေးဆပ်ကော်မတီက ဦးဆောင်ပြီး ဧပြီလ ၁၁ ရက်နေ့တွင် ကျေးလက်အခြေပြု လူထုစည်းရုံးရေးအဖြစ် တော်လှန်ရုပ်ရှင်ပြသသည့် လှုပ်ရှားမှု ပြုလုပ်ခဲ့ကြောင်း သိရှိရသည်။
အဆိုပါ လှုပ်ရှားမှုတွင် တော်လှန်ရေးရုပ်ရှင်ဇာတ်လမ်းပြသခြင်းအပြင် လေကြောင်းတိုက်ခိုက်မှုနှင့် လက်နက်ကြီးအန္တရာယ်ကို အရေးပေါ်ကာကွယ်နိုင်မည့် ဗုံးခိုကျင်းတူးသည့် နည်းစနစ်များနှင့် မြေမြှပ်မိုင်းအန္တရာယ်ကို ရှင်းလင်းပြသသည့် အစီအစဥ်များလည်း လုပ်ဆောင်ခဲ့ကြောင်း သိရှိရသည်။
