ထားဝယ်ခရိုင် လောင်းလုံးမြို့နယ်အတွင်း ဒီမိုကရေစီအရေးလှုပ်ရှားမှုသပိတ်ကော်မတီက ဦးဆောင်ပြီး ယနေ့ မတ်လ ၂၇ ရက် (တော်လှန်ရေးနေ့)၊ ညနေပိုင်းတွင်”ဖက်ဆစ်တပ်ကို အမြစ်ဖြတ်ကြ၊မတရားစစ်မှုထမ်းဥပဒေကို ဆန့်ကျင်ကြ” ခေါင်းစဥ်နှင့် စစ်အာဏာရှင် စနစ်ဆန့်ကျင်ရေး လူထုလှုပ်ရှားမှုပြုလုပ်ခဲ့ကြောင်းသိရသည်။
ပြည်သူလူထုအပေါ် ဖက်ဆစ်ဆန်ဆန် အနိုင်ကျင့်ဗိုလ်ကျ၊ နှိပ်စက်သတ်ဖြတ်မှုတွေ ကျူးလွန်နေသည့် အကြမ်းဖက်စစ်တပ်ကို တော်လှန်ရာတွင် အဆုံးထိ ပါဝင်ပူးပေါင်းပေးကြရန်နှင့် စစ်ကောင်စီက အဓမ္မပြဋ္ဌာန်းထားသည့် စစ်မှုထမ်းဥပဒေကို ဆန့်ကျင်ကြရန် တိုက်တွန်းသည့်အနေနှင့် အခုလှုပ်ရှားမှုကို ပြုလုပ်ခဲ့ခြင်းကြောင်း သိရှိရသည်။
