သံတွဲမြို့နယ်၊ သူဌေးရေအားလျှပ်စစ် စီမံကိန်းအနီး AA နှင့် စစ်တပ်တို့ တိုက်ပွဲပြင်းထန်နေပြီး ရေတပ်သင်္ဘာက လက်နက်ကြီးများဖြင့် ဆက်တိုက် ပစ်ကူနေ

ရခိုင်ပြည်နယ်၊ သံတွဲမြို့နယ်၊ သူဌေးရေအားလျှပ်စစ် စီမံကိန်းအနီး AA နှင့် အကြမ်းဖက် စစ်တပ်တို့ တိုက်ပွဲပြင်းထန်နေပြီး မြန်မာစစ်တပ်၏ ရေတပ် သင်္င်္ဘောကလည်း လက်နက်ကြီးများဖြင့် ဆက်တိုက် ပစ်ကူနေကြောင်း ဒေသပြည်သူများက ပြောဆိုသည်။

ယနေ့ ဧပြီလ ၂၆ ရက်နေ့ နံနက် ၉ နာရီခန့်က စတင်ကာ သံတွဲမြို့နယ်၊ သူဌေးရေအားလျှပ်စစ် စီမံကိန်းအနီး AA နှင့် အကြမ်းဖက် စစ်တပ်တို့ တိုက်ပွဲပြင်း ထန်နေပြီး လက်နက်ကြီး ပေါက်ကွဲများ အဆက်မပြတ် ထွက်ပေါ်နေကြောင်း၊ ထို့ပြင် အကြမ်းဖက် စစ်တပ်၏ နေဗီကလည်း လက်နက်ကြီးများဖြင့် ဆက် တိုက် ပစ်ကူနေကြောင်း သိရသည်။

“သံတွဲ-တောင်ကုတ် နယ်စပ် သံတွဲမြို့နဲ့ မိုင် ၂ဝ အကွာ သူဌေးရေအား လျှပ်စစ်စီမံကိန်းရှိရာနေရာမှာ မနက် ၉ နာရီက တည်းက တိုက်ပွဲပြင်းထန်နေတာ လက်နက်ကြီး ပေါက်ကွဲသံတွေ အဆက်မပြတ် ကြားနေရတယ်။ အခုအချိန်အထိ သေနတ်သံတွေ ဆူညံနေတယ်။ စစ်ခွေး ရေတပ်ကလည်း လက်နက်ကြီး ပစ်ကူပေးနေတယ်” ဟု ဒေသပြည်သူတစ်ဦးကပြောဆိုသည်။

အကြမ်းဖက် စစ်တပ်သည် သူဌေးရေအား လျှပ်စစ် စီမံကိန်းရှိရာ နေရာတွင် ပြီးခဲ့သည့် တစ်လကျော်မှ စတင်၍ စီမံကိန်း ဧရိယာအတွင်း လက်နက်ကြီးများတပ်ဆင်ကာ တပ်စွဲနေရာယူထားခြင်းကြောင်း သိရှိရသည်။