အမေရိကန် ပြည်ထောင်စု ဝါရှင်တန် ဒီစီ ရှိ တရုတ်သံရုံးသို့ တရုတ်နိုင်ငံခြား ရေးဝန်ကြီး ဝမ်ယိ အောက်တိုဘာလ ၂၈ ရက်နေ့ ရောက်ရှိလာချိန် မြန်မာပြည်သူများ စုပေါင်း၍ စစ်ကောင်စီကို ထောက်ခံနေသော တရုတ်အစိုးရကို ဆန့်ကျင် ကန့်ကွက်ဆန္ဒပြခဲ့ကြကြောင်း သိရှိရသည်။
တရုတ်သံရုံးရှေ့ဆန္ဒပြစဉ်တွင် တရုတ်နိုင်ငံခြားရေးဝန်ကြီး ဝမ်ယိရောက်လာချိန်နှင့် တိုက်ဆိုင်ခဲ့ပြီး တရုတ်သံရုံးအဝင်နှင့် အထွက်ကို စောင့်၍ ဆန္ဒပြခဲ့ကြောင်း၊ တရုတ်နိုင်ငံသည် မြန်မာနိုင်ငံအတွက် အင်မတန် ဒုက္ခပေးသည့် နိုင်ငံဖြစ်၍ သွားရောက် ဆန္ဒပြခဲ့ခြင်းဖြစ်ကြောင်း သိရှိရသည်။
