“၁၀၂၇ စစ်ဆင်ရေး”မှာပါဝင်တဲ့ ကြယ်နီတပ်ဦးကို ကူညီပေးဖို့ ကမ်ပိန်းတစ်ခုပြုလုပ်

ညီနောင်(၃)ဖွဲ့ရဲ့ “၁၀၂၇ စစ်ဆင်ရေး”မှာ ပါဝင်တိုက်ခိုက်နေတဲ့ ကြယ်နီတပ်ဦးကို လိုအပ်တာတွေကူညီပေးဖို့အ တွက် ကမ်ပိန်းတစ်ခု ပြုလုပ်နေတယ်လို့ The ဒေါင်း- Dawn’s Wings ရဲ့ ပြောဆိုချက်အရ သိရပါတယ်။

“အဓိကထားထောက်ပံ့မယ့် ကြယ်နီတပ်ဦးကတော့ ၁၀၂၇ စစ်ဆင်ရေးမှာ ပါဝင်တိုက်ခိုက်နေတဲ့ ရဲဘော်တွေအတွက် စစ်ရေးအတွက် ထောက်ပံ့ပေးနိုင်ဖို့ အခုကမ်ပိန်းကို စီစဥ်လိုက်တာပါ”လို့ ဆိုပါတယ်။

အဲဒီကမ်ပိန်းကို The ဒေါင်း-Dawn’s Wings fundraising team က စီစဉ်တာဖြစ်ပြီး ဒီဇင်ဘာလ (၁၆)ရက်နေ့ကစတင်ကာ ဒီဇင်ဘာလ (၃၁)ရက်နေ့ ည (၁၂)နာရီအချိန်အထိ ပြုလုပ်နေတာဖြစ်တယ်လို့ သိရပါတယ်။

ဒါ့ပြင် “၁၀၂၇ စစ်ဆင်ရေး”မှာ ပါဝင်တိုက်ခိုက်နေတဲ့ ကြယ်နီတပ်ဦးအတွက် ကမ်ပိန်းကနေရရှိတဲ့ ငွေကြေးတွေကို ဆေးဝါးအကူအညီနဲ့ လက်နက်ခဲယမ်းတွေအထိ ကူညီထောက်ပံ့နိုင်ဖို့ ရည်ရွယ်ထားတယ်လို့ အဖွဲ့က ပြောဆိုထားပါတယ်။

ကမ်ပိန်းအစီအစဉ်ကို The ဒေါင်း-Dawn’s Wings ရဲ့ လူမှုကွန်ရက်စာမျက်နှာ https://www.facebook.com/profile.php?id=100080078957858 မှာ ဝင်ရောက်ကြည့်ရှု့ပါဝင်နိုင်တယ်လို့ ဖိတ်ခေါ်ထားချက်အရ သိရပါတယ်။