အဆိုတော် လင်းလင်းရိုက်ကူးထားတဲ့ The Way ရုပ်ရှင်ဟာ Festigious နိုင်ငံတကာရုပ်ရှင်ပြိုင်ပွဲမှာ ဆု ၃ ဆု ဆွတ်ခူးနိုင်ခဲ့တယ်လို့ အဆိုတော်၊သရုပ်ဆောင် ချစ်သုဝေက ဒီကနေ့ မေလ ၆ ရက်မှာ ပြည်သူတွေကို အသိပေးလိုက်ပါတယ်။
ဂီတရုပ်ရှင်အမျိုးအစားဖြစ်တဲ့ The Way ရုပ်ရှင်ဟာ အကောင်းဆုံးဂီတ ရုပ်ရှင်ဆု၊ အကောင်းဆုံး ပထမကြိမ် ဒါရိုက်တာဆု နဲ့ အကောင်းဆုံး သီချင်းဆုစတဲ့ ဆု ၃ ခုကို ရရှိခဲ့တာဖြစ်တယ်လို့ မချစ်သုေ၀ ကပြောပါတယ်။
ဒီရုပ်ရှင်ကို ပစ္စည်းတွေ မစုံမလင်တဲ့ကြားက မိုဘိုင်းဖုန်းနဲ့သာ ကြိုးစားရိုက်ကူးခဲ့ရပြီး အခက်အခဲများစွာရှိခဲ့ပေမယ့် ဒီလို နိုင်ငံတာကာရုပ်ရှင်ဆုတွေ ရခဲ့လို့ ဝမ်းသာရတယ်လို့ သူကဆိုပါတယ်။
THE WAY ရုပ်ရှင်ဟာ တခြားနိုင်ငံတကာရုပ်ရှင်ပြပွဲတစ်ခုဖြစ်တဲ့ World Film Carnival Singapore မှာလည်း ဆု ၃ ခု ရရှိထားပါသေးတယ်။
အဆိုတော်လင်းလင်းနဲ့ ချစ်သုဝေတို့ဟာ စစ်တပ်အာဏာသိမ်းမှုကို ဆန့်ကျင်ခဲ့လို့ စစ်ကောင်စီက အလိုရှိနေသလို သူတို့ရဲ့နေအိမ်တွေကိုလည်း အကြမ်းဖက်ဥပဒေနဲ့ မတရားချိတ်ပိတ်သိမ်းဆည်းထားပါတယ်။
